काठमाडौ चैत, २६
एक हजार वर्षको ईतिहास बोकेको प्राचीन मिथिला र तिरहुतको राजधानी सिमरौनगढ समग्र नेपालको मध्यकालिक ईतिहास र संस्कृतिको धरोहरको रुपमा रहेको रास्वापा सांसद गणेश धिमालले बताएका छन । संसदको शुन्य समयमा बोल्दै उनले यस्तो बताएका हुन । यसको संरक्षण र पर्यटकिय विकासको लागि तत्काल गर्नुपर्ने कार्यहरुको बारेमा धिमालले सरकारको ध्यानाकर्षण गराएका छन । शुन्य समयमा सांसद धिमालले २०६७ सालमा प्रधानमन्त्री कृषि आधुनिकिकरण परियोजनाको नाममा अन्धाधुन्द पोखरी खन्ने कार्य भएको पनि बताए । जसका कारण सिमरौनगढको ८० प्रतिशत सम्पदा नष्ट भैसकेको उनको भनाई छ । यसलाई रोक्न सिमरौनगढको प्राचीन पर्खालभित्र पोखरी खन्ने कार्य बन्द गरि वैकल्पिक कृषिको उपायहरु अवलम्वन गर्नुपर्नेमा उनको जोड थियो । धिमालका अनुसार भु–भौतिक सर्वेक्षणबाट संवेदनशिल देखिएका क्षेत्रहरुलाई तत्काल चारकिल्ला निर्धारण गरि प्राचीन स्मारक संरक्षण ऐन २०१३ अनुसार संरक्षित क्षेत्रको रुपमा घोषणा गरिनुपर्छ । पुरातात्त्विक उत्खनन र संम्पदा संरक्षणको लागि तत्काल बृहत् गुरुयोजना बनाउनु पर्ने उनको भनाई छ । शुन्य समयमा उनले विविध विषयहरु उठान गरेका हुन । सिमरौनगढ्मा पुरातत्व विभागको कार्यलय स्थापना गरि हालसम्म प्राप्त मुर्ति र पुरातात्त्विक अवशेषहरुलाई संग्रहालयमा प्रदर्शन गर्ने कार्यको लागि पुरातत्व विभाग मार्फत कानुनी र प्रशासनिक प्रक्रिया तत्काल अघि बढाउनु पर्ने उनको बुझाई छ । साथै दीर्घकालीन रुपमा सिमरौनगढ क्षेत्र विकास कोष ऐन तर्जुमा गरिनुपनमा उनले जोड दिए । सांसद गणेश धिमालले परिवर्तनको चाहाना राख्ने देश र जनताको हितको निमित्त मत परिवर्तन गर्नुहुने मतदातासंग आभार पनि प्रकट गरेका छन । विशेषत बारा क्षेत्र नम्बर १ को निजगढ, कोल्हबी,बारागढी,आदर्श कोत्वाल र सिम्रौनगढका मतदाता संग उनले आभार व्यक्क्त गरेका हुन ।