दमौली, ११ चैत । नेपाल कम्युनिष्ट पार्टी (नेकपा) को तनहुँ रिसिङ गाउँपालिका कमिटी सर्वसम्मतले चयन भएको छ ।
गाउँपालिका संयन्त्रको बैठकले ५७ सदस्यीय गाउँपालिका कमिटी सर्वसम्मतरुपमा चयन गरेको हो । कमिटीको अध्यक्षमा साविक नेकपा एमालेबाट गञ्जसिंह गुरुङ र सचिवमा साविक नेकपा माओवादी केन्द्रबाट विरु थापा चयन हुनुभएको छ ।
गाउँपालिका कमिटीमा अधिकतम ७५ सदस्य हुने व्यवस्था भएपनि पहिलो चरणमा ५७ सदस्य चयन गरेको र बाँकी सदस्य चाँडै नै पदपूर्ति गरिने अध्यक्ष गुरुङले जानकारी दिनुभयो ।
नेकपा जिल्ला संयन्त्रको केहि दिन अघि बसेको बैठकले चैत २० गतेभित्र सबै गाउँपालिका र नगरपालिकाको कमिटी गठन गरिसक्ने निर्णय गरेको थियो ।
प्रतिक्रिया दिनुहोस्