सिन्धुपाल्चोक, २६ चैत । सिन्धुपाल्चोकमा छुट्टा छुटै दुर्घटनामा परि ४ जनाको ज्यान गएको छ । मेलम्चीमा तीनजनाको र हेलम्बुमा एकजनाको ज्यान गएको प्रहरीले जनाएको छ ।
मेलम्ची नगरपालिका ९ ज्यामिरेको झिल्के मोड भन्ने ठाउँमा बोलेरो गाडी दुर्घटना हुँदा चालक सहित ३ जनाको ज्यान गएको हो । बेलुका ८ बजे तिर मेलम्चीबाट सिमेन्ट लिएर रातमाटे जाँदै गरेका बा १८ च ४६९९ नम्बरको बोलेरो गाडी सडकबाट खसेर दुर्घटना भएको प्रहरीले जनाएको छ ।
दुर्घटनामा गाडी चालक अन्दाजी ३५ वर्षीय ज्यामिरेका सुरेश तामाङ, ज्यामिरेकै ४२ वर्षीय मोती अधिकारी र १२ वर्षीय कमल स्यङ्बोको घटनास्थलमै ज्यान गएको प्रहरीले जनाएको छ ।
यस्तै हेलम्बु गाउँपालिका एक तिम्बुमा बस दुर्घटना हुँदा एक जनाको ज्यान गएको छ । काठमाडौँ बाट हेलम्बुको तिम्बुका लागि छुटेको ६३६५ नम्बरको हेलम्बु यातायातको बस गएराति बसपार्क तिम्बु नजिकै दुर्घटना भएको हो ।
दुर्घटनामा बसका सहचालक इन्द्रावती गाउँपालिका बाँडेगाउँका महेन्द्र भुजेलको ज्यान गएको प्रहरीले जनाएको छ ।
प्रतिक्रिया दिनुहोस्