काठमाडौ , चैत्र २९ । बालेन सरकारले शीर्ष नेताहरु पक्राउ गर्नु स्वभाविक भएको वरिष्ठ अधिवक्ता परशुराम कोइरालाले बताएका छन । एविसी टेलिभिजनको कार्यक्रम एविसी वाचमा उनले यस्तो बताएका हुन । उनले कार्यक्रममा भने हाजिरी जमानीमा छोडनु भनेको उन्मुक्ति पाउनु हैन । यसका अनुसन्धानका प्रक्रिया अझै बाकी छन । यो सरकारले २४ घण्टा नवित्दै भी आइपी किन समात्यो भन्ने प्रश्नमा उनले भने सरकारको कमद एकदम सान्र्दभिक छ । यो प्रत्रियागत नै भएको उनले टिप्पणी गरे । विगतमा अनुसन्धान सानाबाट सुरु हुन्थे तर यस पटक भी आइपीबाट सुरु गरिनु सरकारको शुभ संकेत भएको उनको भनाई छ । कार्यक्रममा उनले भने बालेन सरकार नबोल्ने तर काम गरेर देखाउने सरकार हो । उनले भने सरकार प्रतिशोध भन्दा पनि प्रक्रियागत अगाडि बढेको देखिन्छ । जनताको जनादेश अनुसार नै सरकारको गतिविधी भएको उनको बुझाई छ । कार्की आयोगको रिर्पाटको आधारमा सरकार अगाडि बढ्नु पनि न्यायसंगत रहेको उनले बताए ।