श्रमको नाममा हुने किनबेच रोकिनुपर्छ ः पूर्व मन्त्री कुँवर
पूर्व श्रम रोजगार तथा सामाजिक सुरक्षा मन्त्री शेर बहादुर कुवँरले वैदेशिक रोजगारको नाममा हुने मानव बेचबिखन र ठगी रोक्नुपर्ने बताएका छन । कार्यक्रम एविसी वाचमा उनले यस्तो बताएका हुन । उनले आफु श्रम मन्त्री हुदा वैदेशिक रोजगारको नाममा हुने मानव बेचबिखन र ठगीलाई नियमन गर्ने प्रयास गरेको बताएका छन । कार्यक्रममा उनले बैदेशिक रोजगारीमा विचौलियाको विगविगी रहेको बताएका छन । बैदेशिक रोजगारमा जादा काम र तलव एउटा भनिने तर विचौलियाले आधा तलव लिने गरेको उनले बताए । मिठो सपना बोकेर वैदेशिक रोजगारीमा जानेहरूले देशमा रेमिटयान्स पठाएता पनि श्रमिकलाई सम्मान नभएको उनको भनाई छ । श्रमिको सम्मान तथा सुरक्षित बैदेशिक रोजगारका लागि सरकारले विशेष ध्यान दिनुपर्ने उनको भनाई छ । त्यस्तै कार्यक्रममा उनले भने विदेशमा महिला कामदारको अवस्था ज्यादै दयनीय छ । उनीहरूलाई मालिकले मानसिक र शारीरिक यातना दिने र कम्पनीबाट ठगिने जस्ता काम भइरहेको छन । आफु मन्त्री हुदा महिला श्रमिकको सवालमा धेरै काम गरेको उनले बताए ।