काठमाडौं, २७ चैत । सवारी साधन टल्काउने नक्कली सामान सहित काठमाडांै महानगरपालिका–१४ कंलकी लाली गुराँस लजमा बस्दै आएका भारत हाजिपुर लालगंज घर बताउने २४ बर्षीय मोहम्मद निजाम र १७ बर्षीय तसिकलाई प्रहरीले पक्राउ गरेको छ ।
महानगरीय प्रहरी वृत्त कालिमाटीबाट खटिएको प्रहरी टोलीले उनीहरु बस्दै आएको उक्त लजको कोठा नम्बर १०९ बाट आइतबार भारतको Euri Gold / Mak Shine कम्पनीको स्टिकर लगाई सवारी साधन टल्काउने केमिकल प्याकिङ्ग गरि वजारमा विक्री वितरण गर्न तयारी गरिरहेको अवस्थामा पक्राउ गरेको हो ।
उनीहरुको कोठाबाट प्रहरीले विभिन्न बोत्तलहरुमा स्टिकर लगाएको र स्टिकर नलगाएको प्याक गरेको केमिकलहरु, नगद ३ लाख ५० हजार रुपैयाँ तथा प्लाष्टिक प्याक गर्ने मेसिन समेत बरामद गरेकोे छ ।
यस सम्बन्धमा प्रहरीले आवश्यक अनुसन्धान गरिरहेको छ ।
प्रतिक्रिया दिनुहोस्