काठमाडौं,६ माघ । अनसनरत चिकित्सक डाक्टर गोविन्द केसीले सहमति कार्यान्वयन नगरेर प्रधानमन्त्री केपी शर्मा ओलीले बेइमानी गरेको आरोप लगाएका छन ।
आईतबार त्रिभुवन विश्वविद्यालय शिक्षण अस्पतालको आईसियु कक्षबाट वार्डमा सरेलगत्तै संचारकर्मीसंग कुरा गर्दे डाक्टर केसीले आफुसंगको सम्झौता कार्यान्वयनमा प्रधानमन्त्री ओलीले बेइमानी गरेको आरोप लगाुभएका हुन ।
उनले आफुलाई मात्रै नभई ३ करोड नेपालीलाई प्रधानमन्त्रीले धोका दिएको दाबी गरे ।
डाक्टर केसीले संसदीय समितिको प्रतिवेदनसहित संघीय संसदमा पेस भएको विधेयक यथास्थितिमा पास भए ८० प्रतिशत जनता स्वास्थ्य शिक्षा लिनबाट बन्चित हुने दाबी गरे । सरकारले आफुसंग भएको सम्झौता कार्यान्वयन गरे तुरुन्तै अनसन तोड्ने पनि उनले उल्लेखगरेका छन ।
आफु रहरले नभई ३ करोड नेपालीलाई गुणस्तरीय स्वास्थ्य शिक्षा उपलब्ध गराउनका लागि यसअघि भएको सम्झौता कार्यान्वयन गराउनका लागि अनसन बसेको स्पष्ट पारे ।
१५ औ सत्याग्रहमा गरिएको सम्झौता कार्यान्वयनको माग गर्दे इलाम पुगेर १६ औ सत्याग्रह सुरु गरेका डाक्टर केसीको स्वास्थ्य अवस्था बिग्रदै गएपछि उनलाई काठमाण्डौ ल्याई त्रिभुवन विश्वविद्यालय शिक्षण अस्पतालको आईसियुमा राखि उपचार गराईएको थियो । आईतबार देखि उनलाई आईसियुबाट वार्डमा सारिएको छ ।
प्रतिक्रिया दिनुहोस्