काठमाडौं,२६ भाद्र । सत्तारुढ संघीय समाजवादी फोरम, नेपालकी सांसद प्रमिला कुमारीले आफू राष्ट्रिय सभाबाटै पीडित भएको गुनासो गर्नु भएको छ ।
राष्ट्रियसभाको मंगलबारको बैठकमा विशेष समय लिएर बोल्दै सांसद कुमारीले राष्ट्रिय सभाका अन्य सांसदहरुले मन्त्रीपरिषदबाट निर्णय गराएर विभिन्न सुविधा लिएपछि आफूले नपाएको गुनासो गर्नु भएको हो ।
संघीय समाजवादी फोरम, नेपालको राष्ट्रियसभामा आफू दलको नेता भएपनि राष्ट्रिय सभाले आफूलाई पाउने सुविधाबाट बञ्चित गराएको सांसद कुमारीको दावी छ । सांसद कुमारीले मधेशी भएकै कारण आफूलाई पाउने सुविधाबाट बञ्चित गराएको हुन सक्ने आशंका पनि व्यक्त गर्नु भयो ।
उहाँले सरकारले मधेशलाई हेप्ने काम गरिरहेको भन्दै आक्रोश पनि व्यक्त गर्नु भयो । सांसद कुमारीले संविधान संशोधन गर्ने प्रतिवद्धता पूरा नगरेको भन्दै प्रधानमन्त्री केपी ओलीको पनि आलोचना गर्नु भयो
प्रतिक्रिया दिनुहोस्