चितवन, २ असार । स्थानीय क्षेत्रको शान्ति सुरक्षालाई बलियो बनाउन नेपाल प्रहरीले ‘टोल–टोलमा प्रहरी’ अभियान शुरु गरेको छ ।
समुदाय र प्रहरीबीच बलियो साझेदारी बनाइ अपराध र अपराधजन्य समस्याको पहिचान गरि रोकथाम गर्ने उद्देश्य सहित अभियान सुरु गरिएको छ ।

उक्त अभियान सञ्चालन गर्नको लागि जिल्ला प्रहरी कार्यालय चितवनले कार्ययोजना निर्माण गरि समुदायसँग मिलेर प्रत्यक्ष रुपमा लागु औषध, महिला हिंसा, विभिन्न अपराधिक क्रियाकलापालाई नियन्त्रणमा अगाडि बढ्ने जिल्ला प्रहरी कार्यालय चितवनका प्रमुख प्रहरी उपरीक्षक सुशीलसिंह राठौरले बताए ।

समाजलाई शान्त, सुरक्षित र भय रहित बनाउन तथा समाजमा रहेका समस्याहरु पहिचान गर्दै प्रहरी र जनता मिलेर समाधान गर्ने टोलटोलमा प्रहरी अभियानको उद्देश्य रहेको उपरिक्षक राठौरले जानकारी दिए ।

उक्त कार्यक्रमा राठौरले चितवनलाई हरेक क्षेत्रबाट हुने अपराधिक क्रियाकलापलाई रोक्ने र हरेक टोल वस्ती समाजलाई भय मुक्त राख्न आफुले सक्दो प्रयास गर्ने बताएका छन् ।

टोल टोलमा प्रहरी अभियानको लागि भरतपुर महानगरपालिकाको एउटा वडालाई पाँच भागमा बाँडेर प्रहरी परिचालन गर्ने तयारी छ । त्यस्तै, नगरपालिकाको एउटा वडालाई तीन भाग, गाउँपालिकाको एउटा वडालाई दुई भागमा विभाजन गरेर प्रहरी परिचालन गर्दै नागरिकसँग सहकार्य गरेर समाजलाई अपराध मुक्त बनाउने तयारी रहेको जिल्ला प्रहरी कार्यालय चितवनका प्रमुख राठौरको कार्य योजना रहेको छ ।

उनिले कार्यभार समालेपछि जिल्लामा विभिन्न खाले अपराधमा न्युनिकरण हुन थालेको स्थानिबासीहरुले बताउछन् ।  राठौर विभिन्न जिल्लामा रहदा समाजमा हुने विभिन्न विकृति तथा अपराध न्यूनिकरणगर्न सफल रार्ठौर आफ्नो कार्यक्षेत्रमा निष्ठापूर्वक जिम्मेवारी बहन गर्ने उनि चितवन पुगेपछि अपराधका घटनामा कमि आउन थालेको स्थानिय बासी बताउछन् ।