काठमाडौं, १५ जेठ । नेपाली काग्रेसका बरिष्ठ नेता रामचन्द्र पौडेलले कर्तव्य ज्यान मुद्दामा जेलसजाय भोगिरहेका बालकृष्ण ढुङ्गेललाई रिहाई गरेर सरकारले अदालतलाई चूनौति दिएको टिप्पणी गर्नुभएको छ ।

गणतन्त्र दिवसका अबसरमा मानवअधिकार तथा शान्ति समाजले मंगलबार काठमाडौमा आयोजना गरेको अन्तक्र्रिया कार्यक्रममा पौडेलले सर्वोच्च अदालतमा रहेका बिषयलाई हस्तक्षेप गर्दे सरकारले ढुङ्गेललाई रिहाई गरेर अदालतलाई नै चूनौति दिएको बताउनुभएको हो ।

अदालतले माफि दिनुपर्ने कारणका बारेमा सरकारसंग आधार माग गर्दा पनि जवाफदिन छोडेर हतारमा ढुङ्गेललाई रिहाई गरिएको उहाको भनाई छ । लोकतन्त्रमा हरेक संस्थाको सम्मान हुनुपर्ने उहाले बताउनुभयो ।

फरकप्रसंगमा पौडेलले बहुमत हुदा हुदै दुई तिहाई ल्याउने नेकपाको कोशिस शंकास्पद रहेको बताउनुभयो । संबिधानमा मनोमानी ढंगले संसोधन गर्ने मनासयले दुई तिहाईको प्रयास भएको हुन सक्ने उहाको भनाई छ ।

कार्यक्रममा नेपाल कम्युनिष्ट पार्टीका युवा नेता योगेश भट्टराईले कम्युनिष्टलाई अधिनायवादको संज्ञा दिन खोजेको भन्दै अहिलेको नेपाली समाजमा अधिनायवादको कल्पना पनि गर्न नसकिने बताउनुभयो । उहाले कुनै पनि हालतमा नेपालमा अधिनायवाद चल्न नसक्ने भन्दै अधिनायवादको हल्ला चलाएर आफ्नो मुद्धा स्थापीत गराउने प्रयास भईरहेको आरोप लगाउनुभयो ।

त्यस्तै मानवअधिकार तथा शान्ति समाजका संस्थापक अध्यक्ष कृष्ण पहाडिले गणतन्त्रलाई वास्तविक रुपमा जनताको बनाउन सरकार र राजनीतिक दल गम्भीर हुनुपर्ने धारणा राख्नुभयो ।