काठमाडौ, २७ माघ । रञ्जु दर्शना विवेकशील साझा पार्टीमा फर्केकी छन् । डेढ वर्षपछि उनी विवेकशील साझा पार्टीमा फर्किएकी हुन् ।

बिहीबार सामाजिक सञ्जालमार्फत् उनले पार्टीमा फर्केको जानकारी दिएकी हुन् ।

“करिब डेढ वर्ष स्वतन्त्र रहेको म, विवेकशील साझा पार्टीबाटै दलीय राजनीति पुनारम्भ गर्दैछु,” उनले भनेकी छन्, “भोलि र पर्सि (२७-२८) गते हुने वि.सा.पा. को महाधिवेशनबाट एकीकृत र सशक्त पार्टी निर्माणमा लाग्न म पनि प्रतिबद्ध छु।”

मंसिर ४ गते सम्पन्न भएको प्रतिनिधिसभाको निर्वाचनमा पनि उनले स्वतन्त्र उम्मेदवारी दिएकी थिइन् । काठमाडौँको क्षेत्र नम्बर ५ बाट सेलरोटी चिन्ह लिएर निर्वाचन लडेकी थिइन् ।

तर, उनले जित हात पार्न सकिनन् । यो क्षेत्रमा नेपाली कांग्रेसका प्रदीप पौडेल निर्वाचित भएका थिए ।