काठमाडौँ, २३ माघ । सत्तारूढ प्रमुख घटन नेकपा (एमाले)का उपमहासचिव एवम् प्रचार विभाग प्रमुख पृथ्वीसुब्बा गरूङले सत्तारूढ गठबन्धनभित्रैबाट राष्ट्रपति बन्ने बताएका छन् ।
उपमहासचिव गुरूङले एमालेलाई राष्ट्रपति दिने सहमति सत्तारूढ दलहरूबीच भइसकेको उल्लेख गर्दै त्यसमा पनि राष्ट्रिय सहमति जुटाउन पहल गर्ने बताए ।
संघीय संसद् भवन परिसरमा आइतबार सञ्चारकर्मीमाझ उनले आफू भने राष्ट्रपतिको दौडमा नरहेको स्पष्ट पारे । “गठबन्धनभित्रकै मान्छे राष्ट्रपति हुन्छ जो भए पनि । गठबन्धनभित्रको सहमति एमालेलाई राष्ट्रपति दिने हो । त्यसैमा राष्ट्रिय सहमतिको खोजी गर्ने हो सकभर । राष्ट्रिय सहमति भएन भने सत्तारूढ दलहरूबीचको सहमतिमा हुन्छ नि ! राष्ट्रिपति एमालेभित्रै छ नि !,” उनले भने, “मेरो नाम चर्चामा आए पनि राष्ट्रपतिको दौडमा म भने छैन ।”
उपमहासचिव गुरूङले सत्तारूढ दलहरूले राष्ट्रपतिमा कांग्रेसलाई मतदान गर्ने कुनै सम्भावना नरहेको बताए ।
प्रतिक्रिया दिनुहोस्