काठमाण्डौं, ३ मंसिर । प्रचण्डपुत्र प्रकाश दाहालको निधन भएको छ ।

नर्भिक अस्पतालमा उपचारको क्रममा निधन भएको हो । केहीबेरमा अस्पतालले पत्रकार सम्मेलन गर्दैछ । अस्पतालमा अहिले आफन्त, शुभचिन्तक, नेता, कार्यकर्ता तथा सर्वसाधारणको भिड लागेको छ । दाहाललाई आइतबार बिहान पाँच बजेतिर अचेत अवस्थामा अस्पताल ल्याइएको थियो । झापामा रहेका माओवादी अध्यक्ष प्रचण्ड काठमाडौं फर्कनुभएको छ । छोराको मृत्युको खबरले आमा सीता दाहाल अचेत अवस्थामा हुनुहन्छ । प्रकाशको जन्म २०३८ असार १७ गते चितवनमा भएको हो । प्रकाश पुष्पकमल दाहाल प्रचण्ड र सीता दाहालका एकमात्र छोरा हुन । प्रकाश बुवाआमासँगै माओवादी सशस्त्र संघर्षका बेला भूमिगत भएर युद्धका मोर्चामा सहभागी भएको थिए । जनयुद्धको बेलामा बुवा प्रचण्डलाई दिएको साथ प्रकाशले अहिले पनि कायमै राखेको थिए । प्रचण्डका प्रमुख स्वकीय सचिवको रुपमा उनले अन्तिमसम्म पनि काम गरिरहेका थिए ।