पोखरा ३० कार्तिक । नेकपा एमाले अध्यक्ष केपी ओलीले दुइ महिनापछि कम्युनिष्ट सरकार आउने वताएका छन । प्रतिनिधी सभा र प्रदेश सभाको निर्वाचन पछि बामपन्थी गठबन्धनको कम्युनिष्ट सरकार संगै सिंगो कम्युनिष्ट पार्टी समेत निर्माण हुने ओलीको भनाइ रहेको छ । बामपन्थी गठबन्धनको आयोजनामा स्याङजामा आयोजित चुनावी सभालाई सम्बोधन गर्दै पूर्व प्रधानमन्त्री समेत रहेका ओलीले दुई महिना पछि कम्युनिष्ट सरकार गठन हुने र मुलुकले निकास पाउने वताएका हुन ।
पटक पटक बामपन्थीहरु सरकारमा गएको भएतापनि सरकार ढलाउने र एउटा सरकारले ल्याएको योजना अर्को सरकारले पुरा गर्न नदिदा मुलुकमा बिकासले फड्को मार्न नसकेको भन्दै वलीले चुनावपछि निर्माण हुने बामपन्थीको कम्युनिष्ट सरकार पांच वर्षको लागी निर्माण हुने भएकाले मुलुकले बिकासमा गती लिने वताए । चुनाव पछि तत्काल बाम एकता गरेर सिंगो कम्युनिष्ट पार्टी निर्माण हुने समेत ओलीको भनाइ रहेको थियो ।
सोही सभालाई सम्बोधन गर्दै माओवादी केन्द्रका अध्यक्ष पुष्पकमल दाहाल प्रचण्डले कम्युनिष्ट सरकार संगै कम्युनिष्ट पार्टी समेत घोषण हुने वताए । कम्युनिष्ट एकताको कुरा आजको नभइ पहिल्यैदेखी उठाउदै आएको भएतापनी विभिन्न कारणहरुले सम्भव हुन नसकेको र यसपटक छरिएका बाम घटकहरु एकजुट भइसकेकाले सरकार निर्माण संगै कम्युनिष्ट पार्टी समेत घोषणा हुने वताउदै प्रचण्डले बाम हरु एकजुट नहुदा प्रतिक्रियावादीहरु सक्रिय भएर देशको बिकास भन्दापनि राष्ट्रलाइनै खतरामा पु¥याएको तितो इतिहास साछी रहेको वताउदै प्रतिनिधी सभा र प्रदेश सभाको निर्वाचन पछि सिंगो कम्युनिष्ट पार्टी निर्माण नै आफुहरुको मुख्य अभियान रहेको वताए ।
प्रचण्डले नेपाली कांग्रेसलाई चुनाव संग नडराउन समेत आग्रह गरेका छन । उनले आफ्नो पार्टीको चुनाव चिन्ह लिएर चुनाव लड्न कांग्रेस डराएर हलो, आंखा जस्ता चुनाव चिन्ह लिएर चुनावमा लडिरहेको वताउदै कांग्रेस बाम गठबन्धन संग डराएर बिभिन्न हर्कतहरु गरिरहेको समेत वताए ।
जनसभालाई सम्बोधनका क्रममा एमाले अध्यक्ष वली र माओवादी केन्द्र अध्यक्ष प्रचण्डले स्याङजाका उम्मेदवार कोहीपनि एमाले र माओवादीको नभइ संयुक्त बाम गठबन्धनको नेता भएकाले बाम गठबन्धनलाई जिताएर पठाउन आग्रह गरे । बाम गठबन्धनको जीतले स्याङजाको कृषि, पर्यटन, विद्युत उत्पादन जस्ता बिकसमा फड्को मार्ने दुवै नेताको भनाइ रहेको थियो ।
स्याङजा क्षेत्र नम्बर एकमा प्रतिनिधी सभामा एमालेका नारायण मरासिनी १ क मा दिपक चर्ती मगर र ख मा मीन प्रसाद गुरुङ उमेदवार रहेका छन । यसैविच बाम गठबन्धनको सभामा नेपाली कांग्रेसका महाधिवेशन प्रतिनिधी दिपक लम्साल सहित ५ सय वढी नेपाली कांग्रेसका कार्यकर्ताहरु बाम गठबन्धनमा प्रवेश गरेका छन । बाम गठबन्धनमा प्रवेश गरेका कार्यकर्तालाई ओली र दाहालले माला र टिका लगाएर स्वागत गरेका थिए ।