नेकपा माओवादी केन्द्रका अध्यक्ष पुष्पकमल दहाल प्रचण्डले आफुले उम्मेदवारी दिएको चितवन क्षेत्र नम्बर ३ मा प्रतिद्वन्द्वी नै नभएको दावी गर्नुभएको छ ।
चितवनको मंगलपुरमा आइतबार चुनावी सभालाई सम्बोधन गर्दै अध्यक्ष्ँ प्रचण्डले नेपाली कांग्रेसका नेता बाहेकलाई आफुले प्रतिद्वन्द्वी मान्नै नसक्ने जिकिर गर्नुभयो । कांग्रेसको जनाधार भएको क्षेत्रमा जनधार नै नभएको पार्टीका उम्मेदवारलाई प्रतिद्वन्द्वी मान्न नसक्ने उहाले बताउनुभयो ।
लोकतान्त्रिक गठबन्धनबाट उम्मेदवार बन्नुभएका राप्रपाका उम्मेदवार विक्रम पाण्डेलाई लक्षित गर्दै अध्यक्ष प्रचण्डले ठेकदारहरुलाई आफ्नो प्रतिद्वन्द्वी कसरी मान्नु भन्दै प्रतिप्रश्न समेत गर्नुभएको थियो । प्रचण्डले गिरिजाप्रसाद कोईराला पछि शान्ति सम्झौताको हस्ताक्षरकर्ता आफू भएकाले चितवनका काग्रेंसले पनि आफुलाई नै मतदान गर्ने विश्वास व्यक्त गर्नु भयो । कांग्रेसका नेताहरुलाई वामगठबन्धन देखेर नआत्तिन आग्रह गर्दै उहांले भोलिको दिनमा लोकतन्त्रको रक्षाका लागी केही समस्या आइपरे कम्युनिष्ट र कांग्रेस मिल्नै पर्ने अवस्था आउने समेत बताउनुुभयो । प्रचण्डले आज भरतपुरको विभिन्न क्षेत्रमा घरदैलोसंगै चुनावी सभालाई सम्बोधन गर्नुभएको थियो ।