भैरहवा, कार्तिक २३ /
रेल मार्गको सम्भावनाबारे अध्ययन गर्न चिनिया उच्च प्राविधिकसहितको टोली बिहिबार लुम्बिनी पुगेकोे छ ।
चाइनाको केरुङ हुदै पोखरा, काठमाडौ देखि लुम्बिनीसम्मको रेलमार्गको संभाव्यता अध्ययन गर्न टोली लुम्बिनी आएको हो । टोलीले मुग्लिङ देखि नवलपरासीको बर्दघाट हुदै लुम्बिनीसम्मको रेल मार्गका लागि भौगोलीक अवस्थाको अध्ययन गरेको छ ।
अध्ययनको क्रममा चीनीय पक्ष सकारात्मक देखिएको रेल विभागका सिनियर डिभिजन इन्जिनियर प्रकाश उपाध्यायले बताउनु भयो । पोखरा देखि लुम्बिनीसम्म भौगौलीक जटिलता भएकोले केरुङ देखि पोखरा, पोखरा देखि काठमाडौ र मुग्लिङ हुदै लुम्बिनी ल्याउने गरि चिनियँ टोलीले अध्यययन गरेको उपाध्यायले जानकारी दिनुभयो ।
लुम्बिनीको अध्ययन पछि टोली आजै काठमाडौ फर्किएको छ । यस अघि टोलीले केरुङ नाका, पोखरा र काठमाडौको अध्ययन गरेको थियो । काठमाडौ भएको छलफलमा टोलीले नेपालमा रेलको संभावना, चीनमा भएको रेल मार्गको विकासका बारे नेपाली अधिकारीहरुलाई जानकारी गराएको थियो । नेपाली पक्षले पनि रेल मार्गको आवश्यकता संगै भूगोल र लागतका बारेमा चीनीया पक्षसंग छलफल भएको उपाध्यायले बताउनुभयो । अध्ययनका लागि चिनिया राष्ट्रिय रेल्वे प्रशासनका उपप्रमुख जेङ जियानको नेतृत्वमा ३३ सदस्यीय टोली नेपाल आएको हो ।