काठमाडौं १० कात्तिक । सरकारले सबै तहको भुक्तानी विद्युतीय प्रणालीबाट सुरु गर्ने योजना अघि सारेको छ । अर्थमन्त्री डा. युवराज खतिवडाले संघीय, प्रदेश र स्थानीय तहको सबै भुक्तानी विद्युतीय प्रणालीबाटै गर्ने योजना अघि सार्नु भएको हो ।

शुक्रबार काठमाडौंमा आयोजित एक कार्यक्रममा बोल्दै उहाले भुक्तानीलाई विद्युतीय प्रणालीबाट सहज ढंगले संचालन गर्न सबै बैंक तथा वित्तिय संस्थाहरुलाई आग्रह गर्नु भयो ।

कार्यक्रममा बोल्दै नेपाल राष्ट्र बैंकका गभर्नर डा. चिरञ्जीवी नेपालले सबै बैंक तथा वित्तिय संस्थाहरुलाई सबै भुक्तानी विद्युतीय प्रणालीबाट संचालन गर्न निर्देशन दिनु भएको थियो ।

विद्युतीय प्रणालीबाट भुक्तानीको काम गरे आर्थिक क्रियाकलाप सहज ढंगले अघि बढने गभर्नर नेपालको भनाई थियो । सरकारले सबै तहको भुक्तानी विद्युतीय प्रणालीबाट गर्न आवश्यक कानुन निर्माणको कामलाई अघि बढाएको छ ।