काठमाडौं,२८ असार । अस्थायी शिक्षक संघर्ष समितिले भोलीबाट सुरु हुने अस्थायी शिक्षकको परिक्षा बहिष्कार गर्ने घोषणा गरेको छ ।
बिहीबार काठमाडौमा पत्रकार स्म्मेलन गर्दे समितिले आफुहरुको माग पुरा नभएको भन्दै परिक्षामा सहभागी नहुने र परिक्षा बहिष्कार गर्ने जनाएको हो ।
पत्रकार सम्मेलनमा समितिका महासचिव कुमोद कुमार कर्णले सम्पूर्ण अस्थायी शिक्षकलाई प्रक्रिया पुर्याई स्थायी गरिनुपर्ने, शतप्रतिशत अस्थायी सेवा अवधिमा गणना गरिनुपर्ने लगाएतका माग रहेको बताउनुभयो ।
स्वेच्छिक अवकाश लिन चाहने अस्थायी शिक्षकलाई स्थायी शिक्षकसरह सेवा सुविधा प्रदान गरिनुपर्ने माग रहेको उहाले बताउनुभयो । उहाले अस्थायी शिक्षक अहिलको अबस्थामा कुनै पनि अबस्थामा परिक्षामा सहभागी हुन नसक्ने भन्दै परिक्षा बहिष्कार गरेर आन्दोलन जारी राख्ने समेत बताउनुभयो ।
चार पटक स्थगित भएको अस्थायी शिक्षकको परिक्षा आगामी असार २९ र ३० गते हुन लागेको हो ।कार्यतालिका अनुसार माध्यमिक र निम्न माध्यमिकको परिक्षा भोली असार २९ गते र प्राथमिक तहको परीक्षा असार ३० गते हुने भएको हो ।
यसअघि गत चैत १३ गते उक्त परिक्षा स्थगित भएको थियो । परिक्षामासबै तह गरि २३ हजार २ सय ८६ अस्थायी शिक्षकले आवेदन पेश गरेका थिए ।
प्रतिक्रिया दिनुहोस्