काठमाडौं, १२ भदौ । राजधानी चक्रपथको पुर्वी भागमा पर्ने काठमाडौको मुख्य प्रवेश विन्दु कोटेश्वर नाकामा ट्राफिक व्यवस्थापन अस्तव्यस्त बन्दै गएको छ । दीगो र व्यवस्थित सडकको अभावमा वर्षेनी राजधानीमा सवारी जामको समस्या बद्दो क्रममा छ । सवारी संगै सडकमा सुधार हुन नसक्दा राजधानीमा सडक जामका कारण सर्वसाधारण हैरानी बेहोर्न बाध्य हुनुपरेको छ ।
राजधानी चक्रपथको पुर्वी भागमा पर्ने काठमाडौको मुख्य प्रवेश विन्दु कोटेश्वर नाका सवारी साधनको चाप र बढ्दो जनसंख्या वृद्धिका कारण दिनानुदिन असज बन्दै गएको छ । राजधानीमा जामका कारण घण्टौंसम्म हैरानी बेहोर्नु पर्ने बाध्यता अझै अन्त्य हुन सकेको छैन । राजधानी भएकाले पनि स्वभाविक रुपमा देशका विभिन्न ठाउबाट राजधानी आउनेको संख्या पनि दिनानुदिन बढिरहेको छ र यो संगै ट्राफिक व्यवस्थापनको चुनौती पनि बढ्दो छ । तर, ट्राफिक व्यवस्थापन गर्न सबै पक्ष उतिकै जिम्मेवार हुन भने आवश्यक छ । सबैले ट्राफिकलाई मात्र दोष दिने गरेपनि कमी–कमजोरी चालक, पैदल यात्री सबैको रहेको बताउछन् प्रहरी प्रवक्ता रवि कुमार पौडेल ।
ट्राफिक लाइटको मर्मत–सम्भारमा सरकाले चासो देखाउन नसक्दा पनि यो समस्या बढिरहेको कतिपय सर्वसाधारण बताउ“छन् । सडक लेनको बिषयमा सबैलाई जानकारी नहुदा पनि यो समस्या बढिरहेको छ । खास गरि कार्यालय समयमा यो क्षेत्रमा सवारी चाप बढि हुने गरेकाले पनि ट्राफिक जामको समस्या बढि हुने गरेको हो । सरकारले यो वा त्यो बहानामा सडक सुधारका प्रयास रोक्न नहुने बताउ“छन्
दिन प्रतिदिन बढिरहेको जामले बिस्तारै राजधानी असहज बन्दै गएको छ । सुन्दर शहर बनाउने सरकारी योजना भएपनि विकासमैत्री सडक आयोजनाका कारण राजधानी अस्तव्यस्त बनेको हो । अस्तव्यस्त सडक बन्दा राजधानी सुन्दर झनै कुरुप बन्दै गएको छ त्यसैले सडकलाई व्यवस्थित बनाउन दीर्घकालीन योजना कार्यान्वयन गर्नुको बिकल्प छैनज ।
प्रतिक्रिया दिनुहोस्