काठमाडौं, २१ मंसिर । मंसिर ४ गते सम्पन्न निर्वाचन अन्तर्गत बागमती प्रदेशका सबै क्षेत्रको नतिजा सार्वजनिक भएको छ । यस्तै बागमती प्रदेशमा सत्ता गठबन्धनलाई बहुमत पुग्ने निश्चित भएको छ । हालसम्म सार्वजनिक भएको आँकडा हेर्दा बागमतीमा सत्ता गठबन्धनको सरकार बन्ने देखिन्छ ।
मंसिर ४ गते सम्पन प्रतिनिधिसभा तथा प्रदेश सभा सदस्य निर्वाचनको मतगनणा सक्यिसँगै बागमती प्रदेशको मुख्यमन्त्री को बन्ला भने विषयले यति बेला कौतुहलता बढेको छ । यस्तै प्रदेश सभा तर्फ ११० सदस्य हुन्छ त्यसमा ६६ जना प्रत्यक्ष निर्वाचित हुन्छन् भने ४४ जना समानुपातिकबाट हुन्छन । बागमती प्रदेशमा यसपटक नेपाली कांग्रेस पहिलो दल बनेको छ । प्रदेशसभामा प्रत्यक्षबाट कांग्रेसले २५ सिटमा जित हासिल गरेको छ भने प्रत्यक्षतर्फ सत्ता गठबन्धनकै अर्को दल नेकपा माओवादी केन्द्र १४ सिट जितेर दोस्रो दल बनेको छ ।
यस्तै बागमतीमा नेकपा एमालेले १३ सिटमा जितदै तेस्रो भएको छ । यस्तै राप्रपाको ७ र नेकपा एसको २ नेमकिपाको २ र हाम्रो नेपाली पार्टीको १ छ । समानुपातिका सहित सबैभन्दा ठूलो दल ३५ सिट जितेको कांग्रेस भए पनि उसित बहुमत छैन तर गठबन्धनको भने बहुमत पुगेको छ कांग्रेस ३५ + माओवादी २१ + नेकपा एस ७ गठबन्धन गरेर चुनाव लडेका दलहरु एक साथ भए भने ६३ अर्थात् बहुमत पुग्छ । समानुपातिकको मतगणना नसकिएकोले यसमा केही सामान्य हेरफेर हुनसक्छ । यस्र्तै गठबन्धन टुक्रियो भने एमाले, राप्रपा र माओवादीको समर्थनमा सरकार बनाउन सक्ने सम्भावना छ । किनभने एमालेको २६ र राप्रपाको १४ अनि माओवादीको २१ सिट जोड्दा ६१ हुन आउँछ । यस्तै प्रदेश सरकार बनाउनलाई कम्तिमा ५६ सदस्यको समर्थन आवश्यक हुन्छ । बागमती प्रदेशका पुर्व युवा तथा खेलकुदमन्त्री तथा नव निर्वाचित उम्मेदवार रतन प्रसाद ढकालले बागमती प्रदेशमा गठबन्धनको प्रदेश सरकार बने उनले दाबी समेत गरे । संविधानको रक्षाको लागि, राजनितिक स्थिरताको लागिअ,विकास र समृद्धि मार्फत जनताले आशा गरेको झै विकास निर्माण अनुभुति दिलाउने गठबन्धनको सरकार बन्ने उनको भनाई छ ।
प्रतिक्रिया दिनुहोस्