-मेरो प्रधानमन्त्रीकालमा भ्रष्टाचारप्रति शन्य सहनशीलता थियो, यो मेरो दावी र सबैलाई चुनौति पनि हो-
काठमाडौँ ४ मंसिर । माओवादी केन्द्रका अध्यक्ष तथा पूर्वप्रधानमन्त्री पुष्पकमल दाहाल प्रचण्डले आवधिक निर्वाचन समयमा सम्पन्न हुनुले संविधान र व्यवस्थाले ठिक ढंगले काम गरिरहेको प्रमाण पेस गरेको बताएका छन् । प्रतिनिधिसभा र प्रदेशसभाका लागि आइतबार बिहान चितवनमा मतदान गरेपछि दाहालले आवधिक निर्वाचन हुनु महत्वपूर्ण कुरा भएको बताए ।
दाहालले कुन पार्टीले कति मत ल्यायो भन्ने महत्वपूर्ण नभएर आवधिक निर्वाचन सम्पन्न हुनु ठूलो भएको बताए । गोरखा निर्वाचन क्षेत्र नम्बर २ बाट प्रतिनिधिसभा सदस्यका उम्मेदवार भएका दाहालले भने, कुन पार्टीले कति मत ल्यायो भन्दा पनि ठूलो कुरो निर्वाचन सम्पन्न भएको छ । आवधिक निर्वाचन सम्पन्न हुनु भनेको संविधान र व्यवस्थाले ठिक ढंगले काम गर्दैछ भन्ने कुराको प्रमाण हो ।
प्रतिनिधिसभा र प्रदेशसभा निर्वाचनले संविधानलाई संस्थागत गर्ने कुरामा ठूलो कुरा रहेको दाहालको भनाइ थियो । स्वच्छ, धाँधलिरहित र निष्पक्ष निर्वाचन हुनु महत्वपूर्ण कुरा हो । शान्तिपूर्ण ढंगले मतदान भइरहेको छ । संविधानलाई संस्थागत गर्ने प्रक्रियामा यसको ठूलो महत्व छ,ु उनले भने, ुयसपटकको निर्वाचनले संविधानमाथि प्रश्न चिह्न उठाउन खोज्नेहरूको लागि यो निर्वाचनमा सहभागिता आफैमा ठूलो प्रमाण पनि हो ।
दाहालले निर्वाचनको पक्षमा राम्रो माहोल देखिएको बताए । उनले पाँच दलीय गठबन्धनले निर्वाचनमा राम्रो परिणाम ल्याउने दाबी गरे । उनले निर्वाचनपछि मुलुक शुशासन र समृद्धिमा जाने विश्वास व्यक्त गरेका थिए ।
माओवादी केन्द्रका अध्यक्ष पुष्पकमल दाहाल प्रचण्डको मतदान (फोटो फिचर)
प्रतिक्रिया दिनुहोस्