सचिवालय बैठक अनिश्चय बन्दै : नेकपा एकिकरणको बाँकी काम अवरुद्ध (भिडियोसहित)



 

काठमाडौं, २९ साउन  ।  स्कुल विभाग विवादको किचलोमा अड्किएको नेकपाको सचिवालय बैठक अनिश्चय बन्दै गएको छ । नेकपाको विवाद उल्झनले नेकपा एकिकरणको बाँकी काम अवरुद्ध भएको छ । नेताहरुले आफु अनुकुल एकिकरणको व्याख्या गर्न थालेपछि नेकपाका सांगठिनिक प्रकयाहरु रोकिएका छन्

एकिकरण भएको चौध महिनापछि नेताहरु पार्टी एकिकरण प्रक्रिया टुङ्ग्याउन तिव्र रुपले अघि बढेको जस्तो देखिएको थियो । शिर्ष नेताहरु औपचारिक अनौपचारिक छलफल गरिरहेका थिए । तर, नेकपाभित्र स्कुल विभाग कसले पाउने भन्ने विषयमा सहमती नजुट्दा सचिवालय बैठक पटक पटक स्थगित हुन पुग्यो । साउन १२ गते बसेको बैठकले पनि कुनै निष्कर्ष निकाल्न सकेन । बैठक साउन २८मा बोलाइयो, यो बैठक नै बस्न सकेन ।पार्टी अध्यक्षद्धयले एकताका बाँकी काम साउन महिना भित्रै सक्ने आश्वासन दिएका थिए । तर, यो आश्वासन मेलम्चीको पानी जस्तै भयो । नहोस पनि कसरी र जबकी बैठक नै बस्न नसकेपछि । घटनाक्रमले देखाएको छ ः नेकपा एकताका बाँकी प्रक्रिया झनझन जटिल मोडमा पुगेको छ ।

ंपार्टी एकिकरण गरिसकेका नेताहरुले कयौं बैठक बस्दा पनि स्कुल विभाग मिलाउन सकेनन् । यो एउटा विभागसँग जोडिएको विषय मात्रै रहेन अब । यति विषय मिलाउन नसकेकोमा नेताहरुले पार्टी नेतृत्वको क्षमता माथि नै प्रश्न चिन्ह उठाएका त छन् । तर नेकपाका महासचिव विष्णु पौडेल स्कुल विभागमा विवाद नभएको जिकिर गर्छन् । बाहिर भनिएजस्तो विवाद नभएकोले छिट्टै सचिवालय बैठक बसेर टुंगो लगाइने उनको भनाइ छ । नेताहरु आफ्नै त्रुटी र लापरबाहीका कारण पार्टीको काम अघि बढ्न नसकेको आरोप समेत लगाउन थालेका छन् नेताहरुले । नेकपा आफैले बनाएको नीति विपरित शिर्ष नेताले आ–आफ्नो मान्छे काखी च्याप्दै दोहोरो जिम्मेवारी दिने, आफैले बनाएको विधि, पद्धती र मापदण्ड मिच्दै जाने गरेका छन् ।यसकारण, सचिवालयले यसअघि गरेका निर्णय प्रायः विवादित हुने गरेकै छ । नेताहरुमा सामुहिक निर्णय गर्ने परिपाटी नहुनाले पार्टीमा विवाद र ढिलासुस्ती भइरहेको केन्द्रीय सदस्य कुमार पौडेलको भनाइ छ ।

स्कुल विभागको निउँमा नेकपा भित्र गुटको राजनीति मौलाएको छ । नेताहरु गुट मासेर सिंगो पार्टी बनाउने तर्फ भन्दापनि एकले अर्कोलाई निषेध गरेर अघि बढ्न खोजेका छन् । शिर्ष नेतादेखि नै इगोको लडाइँ चल्दा पार्टी गुट, उपगुट र भित्रि लडाइँले कमजोर र भुत्ते बन्दै गएको छ । यद्यपी महासचिव विष्णु पौडेल नेकपामा गुट उपगुट नभएको बताउँछन् । जिल्ला इन्चार्ज तोक्नु अघिका बैठकले नेकपाको सक्रियताले यस्तै गति लिले भन्ने अपेक्षा गरेका नेता कार्यकर्ता सचिवालय बैठकले निर्णय गर्न नसक्दा निराश देखिएका छन् । पार्टीको विवादित काम सल्टाएर सजिव पार्टी बनाउन नेकपालाई निकै ढिलो भइसकेको छ ।

    Comment Here!


सम्बन्धित समाचार

View All