नेपालगञ्ज, १७ माघ । नेपालगञ्जको पुष्पलालचोकमा रहेको होटल माछापुच्छ्रेमा छापा मारी १० जना जुवाडेलाई प्रहरीले पक्राउ गरेको छ । जुवा खेल्दै गरेको अवस्थामा नेपाल प्रहरीको प्रदेश नं ५ को विषेश अनुसंधान व्यूरो र वडा प्रहरी कार्यालयको संयुत्त टोलीले बिहिबार जुवाडे समुह सहित २ लाख ७२ हजार रुपैया बरामद गरेको छ ।
व्यूरोका ईन्चार्ज प्रहरी निरीक्षक बोधराज रेग्मीको नेतृत्वमा होटलमा छापा मार्दा उमेश सेरचन, कर्मजित बुढा, सुकदेव गिरी, कैलाश शाक्य, तिर्थराज रोकाय, प्रेम लामा, यमबहादुर कोटवाल, राजु खड्का, नविन चन्द र पूर्ण बहादुर थापालाई जुवा खेलिरहेको अवस्थामा प्रहरीले फेला पारेको थियो । पक्राउ परेका जुवाडेहरुलाई वडा प्रहरी कार्यालय नेपालगञ्जको जिम्मा लगाएको छ ।
होटलबाट जुवाखेल्दै गरेका १० जना जुवाडे र उनीहरुको साथमा रहेको २ लाख ७२ हजार रुपैया समेत बरामद गरेको वडा प्रहरी कार्यालयका ईन्चार्ज प्रहरी निरीक्षक नारायण डाँगीले जानकारी दिएकाछन् । प्रहरीले पक्राउ परेका जुवाडेहरुलाई जुवा ऐन अनुसार कारवाही अगाडी बढाउने तयारी गरेको छ ।