दाङ,१७ कात्तिक । स्थानिय तहमा गठन भएको न्यायीक समितीमा आवश्यक अनुसार दक्ष जनशक्ति नहुँदा न्याय सम्पादनमा असहज भएको यहाँ न्यायिक समितीका संयोजकहरुले बताउदै आएका छन । न्यायीक समितीमा सबै खाले मुद्याहरु आउदा कानुन सम्बन्धि जानकारी भएको जनशक्ति नहुँदा समस्या भएको उनीहरुको भनाई छ ।
त्यस्तै लमही नगरपालिकाको न्यायीक समितिले अहिलेसम्म ४९ वटा मुद्या समाधान गरेको छ । न्यायीक समिति स्थापना भएदेखि ९५ वटा मुद्धा दर्ता भएकोमा अहिलेसम्म ४९ वटा मुद्या समाधान गर्न सफल भएको न्यायीक समिति संयोजक देवका बेलबासेले बताउनुभयो ।
चालुआर्थिक वर्षमा २० वटा मुद्धा दर्ता भएको हाल सम्म ११ वटा विवाद समाधान गरेको उहाँले बताउनुभयो । स्थानीय तहको न्यायीक समितिमा सबैखाले मुद्याहरु आउँदा विवादको प्रकृति छुट्टाउन पनि उत्तिकै समस्या भएको संयोजक बेलबासेले बताउनुभयो ।
नागरिकमा न्यायीक समितीले हेर्ने विवादको प्रकृति थाहा नहुँदा सबै खालका विवादहरु स्थानीय न्यायिक समीतिमा दोहोरिन थालेका छन् । नजिक पर्ने र जनप्रतिनिधीसंग नागरिकको घुलमिल बढी हुने भएकोले सबै खालका विवाद आएपनि विवादको प्रकृति हेरेर विवादहरु हेरफेर गर्ने गरेको न्यायीक समितिका सदस्य कृष्ण घिमिरेले बताउनुभयो ।
यस्तै समितिले स्थानीय स्तरमा गठन भएका सामुदायिक मेलमिलाप केन्द्रलाई सूचिकृत गर्न निवेदन माग गरेको छ । जसमा हाल सम्म २० वटा केन्द्रले निवेदन दिएको न्यायीक समिति सदस्य कुमार भट्टराइले बताउनुभयो ।
यस्तै आवश्यक अनुसार दक्ष जनशक्ति नहुँदा न्याय सम्पादनमा असहज भएको संयोजक बेलबासेले बताउनुभयो । स्थानीय तहमा रहेको न्यायिक समितिले न्यायपालिकाको रुपमा काम गर्ने अधिकार संविधानले दिएपनि कानुन सम्बन्धि जानकारी भएको जनशक्ति नहुँदा समस्या भएको उहाँको भनाई छ ।
प्रतिक्रिया दिनुहोस्