बर्दिया,१६ कात्तिक । नेपाल सरकारका कृषि तथा पशुपंक्षी विकास मन्त्री चक्रमणि खनालले कृषि क्षेत्रको विकासको लागि स्थानीय निकायले योजना बनाएर जानु पर्ने बताउनु भएको छ ।

बर्दिया जिल्लाको बुढान सहकारी संस्था लिमिटेड र आन्र्तराष्टिय धान अनुसन्धान केन्द्रले आयोजना गरेको धान उत्पादन प्रसोधन र बजारीकरण सम्बन्धी अन्र्तक्रिया कार्यक्रममा बोल्दै मन्त्री खनालले बर्दिया जिल्ला उर्वर भुमि र कृषि योग्य जमिन यथावत् रहेको कारणले कृषि क्षेत्रको विकास गर्नका लागि स्थानीय निकायले छिट्टै नै योजना बनाएर अगाडी बढ्नुपर्ने बताउनु भयो ।

बर्दियाको केही जमिन खण्डीकरण गरी घडेरीमा परिणगत नभईसकेको र उर्वर भुमि यथावत् रहेको कारणले बर्दियामा धान खेतीको लागि केही गर्न सकिने बताउनु भयो । उहाँले आदिवासी थारु जाती मेहनती र कृषिमा सफल भएको कारण पनि धान खेती सहज भएको बताउनु भयो ।

राजापुरलाई धान सुपर जोनको रुपमा विकास गरीएको बताउँदै मन्त्री खनालले बारबर्दिया लगाएतको क्षेत्रलाई पनि बास्नादार र मसिनो धान उत्पादन गरीने क्षेत्रको रुपमा विकास गर्नुपर्ने बताउनु भयो । मन्त्री खनालले जग्गाको चक्लाबन्दी गरी कृषिका आधुनीक प्रविधिहरु भित्र्याएर कम लागतमा बढि मुनाफा हुने खालको कृषि व्यवसाय गर्न गराउन बुढान कृषक बहुमुखी सहकारी संस्थालाई सुझाव दिनु भयो । जग्गा चक्ला बन्दी भएमा कृषि तथा पशुपंक्षी विकास मन्त्रालयले अनुदानको व्यवस्था पनि गर्ने बताउनु भयो ।

मसिनो बास्नादार धान उत्पादन, प्रशोधन र बजारीकरणको सम्भावना खोजी गर्नका लागि आयोजना गरीएको अन्र्तक्रिया कार्यक्रम छलफल गर्दै कार्यक्रमका सहभागीहरुले हाल भारतबाट आयात भईरहेको मसिनो चामल नेपाल मै उत्पादन गरेमा केही भएपनि भारतबाट आउने चामल रोकीने बताएका छन् ।

आन्र्तराष्टिय धान अनुसन्धान केन्द्रको सहयोगमा बुढान कृषक बहुउद्देश्य सहकारी संस्थाले मसिनो, लामो र बास्नादार धान उत्पादन, प्रशोधन र बजारीकरण गर्नका लागि अगाडी बढेको कृषक बहुउद्देश्य सहकारी संस्थाका अध्यक्ष नवराज सुवेदीले बताउनु भयो ।