डोल्पा,१६ कात्तिक । दुर्गम हिमाली जिल्ला डोल्पामा अध्ययनरत विद्यार्थीकालागि सौर्य टुकी वितरण कार्यक्रम लिएर विद्यार्थी नेता योगेन्द्र बुढा डोल्पा पुगेकाछन् ।
जिल्लाका पन्ध्रवटा माध्यामिक विद्यालय मध्ये पहिलो चरणमा ठुलीभेरी नगरपालिकामा पर्ने दुईवटा विद्यालयमा ११ लाख २५ हजार मुल्य बराबरका सौर्य टुकी वितरण गर्ने कार्यक्रम अनुरुप नेपालगंञ्जबाट सामान सहित जहाज चार्टर गरेर विद्यार्थी नेता बुढा डोल्पा पुगेका हुन् ।

सदरमुकाम दुनैमा रहको सरस्वती मावि र आदर्श माबि जुफालमा अध्ययरत दुईसय पचास जना विद्यार्थीलाई सौर्य टुकी वितरण कार्यक्रम अन्तर्गत प्रति विद्यार्थी एकथानका दरले सोलार बाँडिएको हो ।

कक्षा ९ र १० मा अध्ययनरत विशेष गरेर आगामी एस.इ.ई परीक्षामा सामेल हुने गरिब,जेहेन्दार, दलित अल्पसङ्ख्यक र पिछडिएका बर्गका विद्यार्थीको पढाइलाई लक्षित गर्दै प्रति विद्यार्थी दश वाटको सोलार बाँडिएको बुढाले बताए ।
सो कार्यक्रम अन्तर्गत सरस्वती उमाविमा १ सय थान र आदर्श माविमा १ सय ५० थान सोलार वितरण गरिएको थियो ।

अखिल(क्रान्तिकारी)का केन्द्रिय सदस्य समेत रहेका बुढाका अनुसार सदरमुकाम दुनै र एयरपोर्टमा भरपर्दो बत्तीको सुविधा नहुँदा विद्यार्थीको पठनपाठनमा समस्या हुँदै आएको कुरालाई ध्यानमा राखेर उनीहरुको सुनौलो भविश्य निर्माणका लागि सहयोग पुग्ने भन्दै बैकल्पि उर्जा प्रवर्दन केन्द्रसँग समन्वय गरेर कार्यक्रम पारेको बताए ।
विद्यार्थीको हात-हातमा सोलार पुगेपछि उनीहरुमा खुशीयाली छाएको छ ।

“यो भन्दा अगाडि घण्टौ लोडसेडिङ हुन्थ्यो,बत्तीको सुविधा नहुँदा बेलुकी पढ्न समस्या हुन्थ्यो,स्कुलमा सरहरुले दिएको गृहकार्य पनि छुट्थ्यो” आदर्श मावि जुफालमा कक्षा १० मा अध्ययनरत अमर डाँगीले भने ।

“सोलार पाएपछि हामी खुशी छौँ,राती अबेरसम्म पढ्न पाईने भएकाले शिक्षाको गुणस्तरमा सुधार हुने अपेक्षा छ,गृहकार्य नछुटेपछि सरहरुको माया पाउनेछौँ ।”
सोही विद्यालयमा कक्षा ९ मा अध्ययनरत विद्यार्थी निम बहादुर बिकका अनुसार “घण्टौँ लोडसेडिङका कारण आजको युगमा पनि दियालोको भरमा पढ्नुपर्ने बाध्यता थियो,निशुल्क रुपमा पाएको सोलारको सही सदुपयोग गरेर भविश्यमा ठुलो मान्छे बन्ने सपना छ ।”

दुर्गम ठाँउमा अध्ययनरत विद्यार्थीका लागि भनेर लाखौँ मुल्यका सोलार ल्याएर वितरण गरेको भन्दै शिक्षक र विद्यार्थीले भव्य स्वागतका साथ विद्यार्थी नेता बुढाप्रति आभार समेत ब्यक्त गरेका थिए ।

शुक्रबार जुफालमा आयोजित सोलार वितरण कार्यक्रममा बोल्दै बुढाले सौर्य टुकी कार्यक्रम नपरेका अन्य १३ वटा माध्यामिक विद्यालयमा कार्यक्रमका लागि पहल गर्ने प्रतिबद्धता जनाएका छन् ।

त्यतिमात्रै नभई आज भोलीको युग कम्प्युटरको युग भएकाले १३ वटै माविमा कम्प्युटर चलाउनको लागि धेरै क्षमताका सोलार वितरणका लागि पहल गरिरहेको समेत उनले जानकारी दिए ।

जिल्लाको विकासका लागि प्रत्यक्ष रुपमा योगदान पु¥याउँदै आएका बुढाले साविकको माझफाल गाविसमा मोवाईल टावर निर्माणका लागि एक वर्ष अगाडी सम्पुर्ण सामानहरु चार्टर गरेर ल्याएका थिए ।

विभिन्न भौगोलिक कठिनाईका बाबजुत टावर निर्माणकार्य अन्तिम चरणमा पुगेकाले छिटै संञ्चालनमा आउने उनले बताए । जनप्रतिनिधि,वि.ब्य.स पदाधिकारी,प्रअ,शिक्षा प्रेमी लगाएतका सरोकारवालाहरुको उपस्थितिमा सोलार वितरण गरिएको थियो ।