भैरहवा,१६ कात्तिक । नेकपाका स्थायी समिति सदस्य तथा रुपन्देही क्षेत्र नं. ३ का सांसद घनश्याम भुषालले भैरहवा विकसित नगरे सम्म लुम्बिनीको विकास नहुने बताएका छन ।

भैरहवामा आयोजित पत्रकार भेटघाट कार्यक्रममा बोल्दै भुषाले लुम्बिनीको प्रवेश्द्वार भैरहवा नै विकास नभए सम्म लुम्बिनीको विकास सम्भव नभएकाले भैरहवावासी, बौद्धिक समाज, नागरिक समाजलाई आर्थिक विकास तर्फ ध्यानाकर्षण गर्न आग्रह गरे ।

धेरैले विमानस्थल बनेपछि लुम्बिनीको विकास हुन्छ भन्ने गरेको भए पनि लुम्बिनीको विकासका लागि भैरहवा स्वयमको विकास हुन जरुरी रहेको बताए । उनले चार वर्ष पछि पोखरामा विमानस्थल निर्माण भए पश्चात करिव २५ लाख पर्यटक आउने सम्भावना छ तिनलाई खाना खुवाउने क्षेत्र नै यही रुपन्देही, नवलपरासी र कपिलवस्तु भएकाले यसको सिधा प्रभाव भैरहवा नै भएको बताए ।

जुम्लीले कालापानीमा गएर काम गरेर ल्याएको पैसाबाट समान किनेको देखि लिएर जुम्लीको कात्रो किन्दामा लगाएको कर समेतबाट गरी राष्ट्रको ३५ अर्व खर्च भई बनिरहेकोे अन्तर्राष्ट्रिय विमानस्थलबाट यहाको आर्थिक र मुलुकको अर्थतन्त्रमा यसले कसरी योगदान दिन सक्छ भन्नेकुरामा हामी कम सोचेको बताए ।

हामीले कहिले देखि बाटो बन्ला, विमान आउला भन्ने मात्र हेरका छौ त्यतिमात्र हेर्ने हो भने यो हामी सम्पूर्ण माथि ऋण र राष्ट्रमाथिनै ऋण लाग्ने कुरा रहेको बताए ।

हामीले ३५ अर्ब लगानी गरेका छौँ यसको उचित उपयोग गरी प्रत्यक्ष र अप्रत्यक्ष रुपमा खरबौँ खरब रुपैया आर्जन गर्नुपर्ने बताउद विमानस्थलबाट यो क्षेत्रमा उत्पादकत्वको वृद्धि कसरी गर्न सकिन्छ र सेमलार देखि हर्नैया सम्म क्षेत्रमा कृषि उत्पादनलाई कसरी एकिकृत हिसावले बढाउन सकिन्छ भन्नेबारेमा छलफल र अध्ययन गरिरहेकोे बताए ।