काठमाडौं, १३ असार । एक युवतीलाई बलात्कार गरेको अभियोगमा प्रहरीले सशस्त्र प्रहरी बलका दुई जवानलाई पक्राउ गरेको छ । राजधानीको कलंकीमा ती युवती बलात्कृत भएकी हुन् ।
पीडित युवतीले महानगरीय प्रहरी वृत्त, कालिमाटीको महिला सेलमा गरेको उजुरीको उनको प्रेमी रामशरण पोखरेल र उनका साथी चन्द्र प्रसाईं पक्राउ परेका हुन् । उनीहरु दुबै सशस्त्र प्रहरी बल, बलम्बुमा कार्यरत जवान हुन् ।
घटनाको अनुसन्धान भइरहेको र दुवैमाथि जबरजस्ती करणी र जबरजस्ती करणी प्रयाससम्बन्धी मुद्दा चलाइने प्रहरीले जनाएको छ ।
पोखरेल दुई वर्षअघि एक युवतीसँग प्रेममा थिए । तर, उनीहरुको सम्बन्ध लामो समयसम्म टिकेन । पोखरेलको गतिविधिप्रति शंका लागेका कारण प्रेमिका उनीसँग टाढिएइन् ।
एक वर्षपछि फेसबुकमा भेटिएका तीनै प्रेमीले आफू सुध्रिएको र जागरि छाडेर होटल सञ्चाल गरी बसेको बताएको पीडित युवतीले प्रहरीलाई प्रारम्भिक बयानमा भनेकी छन् ।
पोखरेलले युवतीलाई बिहीबार कलंकीस्थित आशिर्वाद गेस्ट हाउसमा आउन आग्रह गरे पछि उनी उक्त होटलमा पुगेको प्रहरीलाई बताइकी छन् ।

पोखरेलले भने जस्तो उक्त होटलले उनले सञ्चालन गरेका थिएनन् । उनले सुनियोतिज पूर्वक होटलमा दुई वटा कोठासमेत बुक गरेका थिए ।
पीडित युवतीले प्रहरीमा दिएको जहेरीमा भनेकी छ्न, ‘एउटै कोठामा बसेर खाइरहेका थियौं । घरी ऊसँग बस्ने गर है भनेर बाहिर निस्किन्थ्यो । घरी के गथ्र्यों’ ‘तर, त्यतिवेला मैले मानिन । उसँगै निस्किएको थिएँ ।’
प्रहरीका अनुसार रात छिप्पिँदै गएपछि प्रसाईं निन्द्रा लाग्यो भन्दै एउटै कोठामा सुते । दुई वटा खाट कोठामा भएकाले ‘एउटामा हामी, अर्कोमा ऊ सुतोस्’ भनेर पोखरेलले भनेछन् ।

युवती मान्दिनन् । उनी अर्को कोठामा जान्छिन् । पोखरेलले उनलाई पछ्याए र अन्तिम पटक भन्दै रक्सी खुवाए । ‘अर्को केटाले बेइमान गर्न सक्छ भनेर युवती आफैंले चुकुलसमेत लगाएकी रैछिन्’ अनुसन्धानमा संलग्न प्रहरीले भने ।

पीडित युवतीका अनुसार राति ४ बजेतिर ब्यूँझदा उनलाई असहज महसुस भयो । उनीसँग प्रेमी होइन, उनका साथी थिए । ‘केही गलत हर्कत गर्न खोजेको जस्तो लाग्यो । मान्छे पनि मोटो थियो’ उनले भनेकी छन्, ‘म अर्धनग्न थिएँ ।’

प्रेमीका साथी कतिबेला र कसरी आफ्नो कोठामा आइपुगे आफूलाई थाहा नभएको उनले बताएकी छन् । यसबारे पोखरेललाई भन्दा उल्टै सम्झाउन खोजको उनको भनाइ छ । घटना पछि युवतीले प्रहरीलाई फोन गर्न खोज्दा प्रेमीले मोबाइल फुटाइदिएको उनको भनाई छ ।
विहान उनीहरुसँग छुट्टिएर युवतीले प्रहरीसमक्ष जाहेरी दिइन्, त्यसै आधारमा दुवै पक्राउ परेका छन् ।
प्रहरीले उनीहरुको कोठाबाट कण्डम र केही मदिराको बोटलसमेत बरामद गरेको छ । पक्राउ परेपछि पोखरेलले आफूले युवतीसँग सम्बन्ध राखेको स्वीकार गरेका छन् ।