काठमाडौं , ५ साउन । नेपाली कांग्रेसका सभापति शेर बहादुर देउवाले शान्तिपुर्ण प्रर्दशनमा सरकारले हस्तक्षेप गरेर अमानविय चरित्र देखाएको भन्दै घटनाको भत्र्सना र निन्दा गर्नुभएको छ ।

प्रहरी संगको झडपमा घाईते भई उपचार गराईरहेका तरुण दलका अध्यक्ष जीतजंग बस्नेत लगायत घाईतेहरुलाई भेट्न मिनभवस्थित सिभिल अस्पताल पुगेका सभापति देउवाले शान्तिपुर्ण प्रर्दशनमा प्रहरी हस्तक्षेप भएको भन्दै त्यसको निन्दा गर्नुभएको हो । सरकारले अपराधपुर्ण तरीकाले तरुणदलका अध्यक्ष सहित आफ्ना कार्यकर्तामाथि कुटपीट गर्ने काम गरेको दाबी गर्नुभयो ।

उहाँले घटनाको निन्दा एवं घोर भत्र्सना गर्दै आईन्दा यस्तो काम बन्द गर्न पनि सरकारलाई चेतावनी दिनुभयो ।

पुर्व घोषित कार्यक्रम अनुसार सनिबार दिउसो तरुण दलले अनसरनरत डाक्टर गोविन्द केसीको मागमा ऐक्यवद्धता तथा सरकारको विरोधमा गरेको प्रर्दशनका क्रममा नयावानेश्वरमा प्रहरीसंग झडप हुंदा तरुण दलका अध्यक्ष बस्नेत सहित तीन दर्जन बढी घाईते भएका थिए ।