रौतहट, ७ वैशाख । जिल्ला वन कार्यालयले कमिशन लिएर कर्मचारी सरुवा गर्ने गरेको खुलासा भएको छ । जिल्ला वन कार्यालय रौतहटका प्रमुख दिर्घनारायण कोईरालाले सिम्री ईलाका वन कार्यालयमा कार्यरत पूर्ण बहादुर माझीलाई कमिशन र राजनीतिक दवावमा परेर सरुवा गरेको तथ्य खुलेको छ । मिति २०७४ साल चैत २५ गतेको जिल्ला वन कार्यालयको पत्र संख्या ०७४\०७५ को चलानी नम्बर १४३५ अनुसार चन्द्रनिगाहपुर ईलाका वन कार्यालयमा हाजिर भई कामकाज गर्न भनिएको छ ।

कार्यालयको पत्रानुसार पूर्ण बहादुर माझी सरुवा भएको मितिबाटै हाजिर हुन चन्द्रनिगाहपुर ईलाका वन कार्यालय पुगेका थिए तर उनलाई सो कार्यालयमा हाजिर हुन दिईएन । चन्द्रनिगाहपुर ईलाका वन कार्यालयमा कार्यरत बनपाले बिरेन्द्र साहले हाजिर गर्न नदिएपछि कर्मचारी पुर्णबहादुर जिल्ला वन कार्यालय धाउन थाले । यति सम्म ज्यादती भयो पुर्णबहादुर माथी कि अर्काे दिन हाजिर गर्न जाँदा समेत उनी माथी साहले दुवर््यवहार गर्दै हाजिर गर्न दिएनन् ।

लगातार वन कार्यालय धाउने क्रममा जिल्ला वन कार्यालयका प्रमुख दिर्घनारायण कोईरालाले उनलाई पुनःअर्काे पत्र थमाए जसमा उनलाई चन्द्रनिगाहपुर ईलाका वन कार्यालयमा नभई हिलेखोला ईलाका वन कार्यालयमा हाजिर हुन भनिएको थियो । जिल्ला वन कार्यालय रौतहटका प्रमुख कोईरालाले हस्ताक्षर गरेको २०७५ साल बैशाख ३ गतेको पत्र संख्या ०७४\०७५ को चलानी नम्बर १५०० अनुसार उनलाई तत्कालै हिलेखोला ईलाका वनमा हाजिर हुन भनिएको छ ।

एकै व्यक्तिलाई ७ दिनको अन्तरालमा २ स्थानमा सरुवा गरेर जिल्ला वन कार्यालका प्रमुखले आफ्नो पदको दुरुपयोग गरेका छन् ।
सोझा साझा कर्मचारीलाई ७ दिनमै २ स्थानमा सरुवा गर्ने कार्यलय प्रमुखको यो शैलीले उनको आचरण कस्तो भन्ने देखाउछ । कार्याललय प्रमुख बिरेन्द्र साहसंगको आर्थीक लेनदेनमै यस्तो भएको हो नाम नबताउने सर्तमा एक कर्मचारीले भने । यसरी एउटा कर्मचारीलाई हप्ता दिनमै २ ठाउमा सरुवा गरिनुले पनि कार्यलय प्रमुख र राजनैतिक दवाव देखी आर्थिक चलखेल भएको एक कर्मचारीले बताए ।