कैलाली,१९  माघ। प्रदेश नम्बर ७ को मुख्यमन्त्रीमा माओवादी केन्द्रका नेता त्रिलोचन भट्ट नियुक्त हुनुभएको छ ।
बुधवार प्रदेश प्रमुखले मुख्यमन्त्रीमा नियुक्त हुन बहुमत रहेको दावी पेश गर्न आग्रह गरेपछि भट्टले बामबठबन्धनका ३७ जना सदस्यको आफूलाई समर्थन रहेको भन्दै दावीपत्र पेश गरेपछि प्रदेश प्रमुख मोहनराज मल्लले आज बिहीबार भट्टलाई मुख्यमन्त्रीमा नियुक्त गर्नुभएको हो ।
विहीबार मुख्यमन्त्रीमा नियुक्त भएका भट्टलाई शनिवार अपरान्ह ३ बजे शपथ खुवाइने प्रदेश प्रमुखको कार्यालयले जनाएको छ ।

भटट्को बारेमा जानकारी ?

त्रिलोचन भट्टको जन्म डोटीको तत्कालीन भूमिराजमाडौं गाविस ८ मा वि सं २०२६ साल जेठ ७ गते भएको हो । उहाँका बुबाको नाम प्रसाद भट्ट र आमाको नाम शारदादेवी भट्ट हो । उहाँका १ छोरा र २ छोरी छन् ।

२०६४ सालको संविधानसभा निर्वाचनमा पराजित हुनुभएको थियो । भट्ट १४ वर्षको बालापनमै गरिबीका कारण रोजगारी खोज्दै भारत जानुभएको थियो । भारतमा कष्टकर जीवन बिताउँदा अनेकौँ दुःख भोग्नुपरेको थियो । उहाँले भारतमा चौकीदारी गर्नुभएको थियो ।

भट्टले २०४७ सालमा अखिल भारत नेपाली एकता समाजबाट आफ्नो राजनीतिक यात्रा सुरु गर्नुभएको हो । सडकमा अलपत्र नेपालीको उद्धार र मजदुरका हक अधिकारबारे लड्दालड्दै उहाँ सक्रिय राजनीतिमा प्रवेश गर्नुभएको हो । मुम्बईमा गरिरहेको काम छाडेर उहाँ २०५६ सालमा भूमिगत हुनुभएको थियो ।

द्वन्द्वकालमा भूमिगत राजनीतिक जीवन विताएका भट्ट माओवादीका इमानदार र नैतिकवान् कार्यकर्ताका रुपमा परिचित हुनुहुन्छ । २०६४ र २०७० सालको संविधानसभा निर्वाचनमा पराजित भएका भट्ट २०७४ को प्रदेशसभामा निर्वाचित हुनुभएको थियो । मुख्यमन्त्रीमा निर्वाचित भएपछि भट्टले अब प्रदेश नम्बर ७ का बासिन्दालाई भारतमा चौकीदारी गर्नुपर्ने बाध्यताबाट उन्मुक्त गराउने बताउनुभएको छ ।

© ग्वथबबयि ःगतिष्mभमष्ब एखत। ीतम।( द्दण्ज्ञड ्र क्ष्तभ दथ