काठमाडौं, २० माघ । राष्ट्रिय चिकित्सा शिक्षा विधेयक अध्यादेशमार्फत् आएको भन्दै चिकित्सकहरुले आपत्ती जनाएका छन् ।

शनिबार काठमाडौमा संयुक्त स्वास्थ्य सुधार सघर्ष समितिद्धारा आयोजित ‘राष्ट्रिय चिकित्सा शिक्षा अध्यादेशमाथिको बहस’ कार्यक्रमा उनीहरुले राष्ट्रिय चिकित्सा शिक्षा विधेयक सरोकारवालाहरुसंग छलफल नै नगरि आएको भन्दै आपत्ती जनाएका हुन् ।

कार्यक्रममा चिकित्सा विज्ञान राष्ट्रिय प्रतिष्ठानका उपकूलपति डा. गणेशबहादुर गुरुङले विश्वविद्यालयको स्वायत्त अधिकारमाथि नै बन्देज लगाउने गरी ल्याइएको अध्यादेश कार्यान्वयनमा आउने अवस्थामा नरहेको बताउनुभयो ।

उहाले आफू एउटै उच्च विश्वविद्यालयको पक्षमा रहेको धारणा राख्नुभयो ।

कार्यक्रममा चिकित्सकहरुले चिकित्सासम्बन्धि अध्यादेश ल्याउँदा प्राज्ञिक क्षेत्रको राय, सुझावलाई मुख्य आधार बनाउनुपर्नेमा पनि जोड दिएका थिए ।