चितवन ,माघ १९ । चितवनका बैंकमा नक्कली नोट भेटिन थालेको छ । पूर्वीचितवनको पर्सामा रहेको नेपाल इन्भेष्टमेन्टमा विहिबार नक्कली नोट फेला परेको हो ।

चितवनका बैंकमा अहिले नक्कली नोट भेटिन थालेका छ । पूर्वीचितवनको पर्सामा रहेको नेपाल इन्भेष्टमेन्टमा विहिबार नक्कली नोट फेला परेकोपछि यस्तो घटना बाहिर आएको हो । एक हजार दरको नोटको एउटा बन्डलमा एउटा नक्कली नोट फेला परेको छ ।

खैरहनी १ ज्यामिरेका निरञ्जन ओझाले नेपाल इन्भेष्टमेन्ट बैंकमा जम्मा गरेको तिन लाख रुपैया मध्य एयटा बण्डलमा एउटा नक्कली नोट फेला परेको हो ।

बैंकले रकम जम्मा भएको स्लिप दिएको एक घण्टा पछि नोट चेक गर्दा नक्कली नोट फेला परेको थियो । रत्ननगरमा रहेको गण्डकी बिकास बैंकबाट तिन लाख रुपैया निकालेर पर्सामा रहेको नेपाल इन्भेष्टमेन्ट बैंकमा रकम जम्मा गरेको र त्यसमा एउटा नोट नक्कली परेको ओझाले बताए ।

बैंकले रकम गिन्ती गरेरे डिपोजिट स्लिप दिएको तर पछि चेक गर्दा एक हजारको एउटा नोट नक्कली रहेको फेला परेको नेपाल इन्भेष्टमेन्ट बैंक पर्साका शाखा प्रमुख नविन शिखंडाले जानकारी दिए । ओझाले जम्मा गरेको उक्त गड्डीमा अन्य दुईवटा बैंकको समेत ट्याग रहेको छ । पछिल्लो समय एक हजार र पाँच सयको नोट नक्कली नोट बंैकमा जम्मा गर्नको लागी आउन थालेको उनले बताए ।

नक्कली नोट फेला परेको उक्त गड्डीमा नेपाल बङ्गलादेश बैंक र एन आइ सि एसिया बैंकको ट्याग समेत रहेको प्रहरीले जनाएको छ । प्रहरीले घ २९ ४७५२१९ नम्बरको नक्कली नोट बरामद गरेको छ । यस बिषयमा थप अनुशन्धान भइरहेको इलाका प्रहरी कार्यालय खैरहनीका प्रहरी निरिक्षक कैलाशसिहं बिष्टले जानकारी दिए ।

नक्कली नोट भएको बण्डल तिन वटा बैंक हुदै सोझा साझा सर्वसाधरणको हातमा पुग्दा समेत ति बैंकका कर्मचारीले पत्तो नपाउनु बैंकका कर्मचारीको लापरबाही भन्दा फरक नपर्ला । बैकं मार्फत नै नक्कली नोट बजारमा गइरहेको प्रष्ट देखिन्छ । यस बिषयमा सम्बन्धित निकायको ध्यान पुग्न जरुरी छ ।