बुटवल, ६ माघ । प्रदेश नम्बर ५ का अन्तर्गतका ८७ सांसदहरुले भोली बुटवलमा रहेको उद्योग बाणिज्य संघको सभाहलमा सपथ लिने भएका छन् । सपथका लागि सम्पूर्ण तयारी पूरा भएको जिल्ला प्रशासन कार्यालय रुपन्देहीले जनाएको छ ।
सपथ ग्रहणको तयारीका लागि रुपन्देहीका प्रमुख जिल्ला अधिकारी हरि प्रसाद मैनाली सहितको टोलीले आज दिनभरी खटिएको थियो ।
प्रजिअ मैनालीका अनुसार नेपाल प्रहरी, शसस्त्र प्रहरी र राष्ट्रिय अनुसन्धानका गरिे ३ घेरामा सुरक्षा व्यवस्था मिलाइएको छ भने प्रदेश प्रमुख उमाकान्त झाले आइतबार बिहान साढे १० बजे प्रदेश नम्बर ५ का अन्तर्गतका १२ जिल्लाका ८७ सांसदहरुको सपथ ग्रहण गराउने छन् ।
शपथ ग्रहण गराउनका लागि प्रदेश प्रमुख उमाकान्त शनिबार रुपन्देही आइसकेका छन् । उनले आइतबार बिहान १० बजे रुपन्देही व्यापार संघको सचिबालयमा पदभार ग्रहण गर्नेछन् । पदभार लगत्तै बुटवल उद्योग बाणिज्य संघको सभा कक्षमामा पुगेर प्रदेश सांसदहरुलाइ सपथ गराउनेछन् ।
प्रदेश नम्बर ५ मा प्रत्यक्षतर्फ ५२ र समानुपातिक तर्फका ३५ गरी ८७ सांसद रहेका छन् । आजैबाट सजिसजाउ पारिएको संघको हलमा ५ सय जना अट्ने क्षमता छ ।
तत्कालका लागि प्रदेशसभा बैठक बुटवल उद्योग बाणिज्य संघको हल लाइनै उपयोग गरिने छ । संघको सचिवालयमा नै सभामुख र उपसभामुखको कार्यकक्ष सहित संसद सचिवालय राखिने छ ।
प्रदेश मन्त्रालय भने बुटवल स्थित श्रम कार्यालयको सेतो छ तले भवनमा राखिने जनाइएको छ ।
प्रतिक्रिया दिनुहोस्