सिन्धुली, ३ माघ । सरकारबाट निःशुल्क वितरणको लागि पठाएको स्लाइन (डी फाईभ) सिनियर अहेवले विक्रि वितरण गरेको भन्दै सिन्धुली दुधौली नगरपालिकाका बासिन्दाले आपत्ति जनाएका छन् ।

जिल्लाको दुधौली नगरपालिका–१३ अरुणठाकुरमा रहेको स्वास्थ्य चौकीका इन्चार्ज बदरुल अन्सारीले सरकारले निःशुल्क वितरण गर्न पठाएको स्लाइन विक्रि वितरण गरेको अनुगमनमा क्रममा पत्ता लागेको थियो ।

अन्सारीले किर्ते गर्ने गरेको भन्दै वडा अध्यक्ष सहितको टोलीले अनुगमन गरेपछि सो कुरा बाहिर आएका हो । स्थानीयको गुनासो बारम्वार आउन थालेपछि दुधौली नगरपालिका–१३ का वडा अध्यक्ष मिलन सुनुवार सहितको टोलीले स्वास्थ्य चौकीको अनुगमन गर्दा स्वास्थ्य चौकीबाट त्यस्ता खालको गतिविधि हुने गरेको तथ्या बाहिर आएको स्थानीय रविन्द्र भट्टराईले बताए ।

स्वास्थ्य चौकीमा निःशुल्क वितरण भनिएका अधिकांश लोगो मेटिएको अवस्थामा स्लाइन पानी भेटिएको थियो । स्वास्थ्य चौकीमा राखिएका अधिकाशं स्लाइनमा अन्य सवै कुरा उल्लेख छ, तर सरकारबाट निःशुल्क विवतरण भन्ने शव्द मात्रै मेटिनुले स्वास्थ्यकर्मीको नियतमाथि प्रश्न उठेको अध्यक्ष सुनुवारले बताए ।

स्थानीयले साधारण स्लाईन पानी वा साधारण उपचार गर्दा पनि १ हजार ५ सय देखि ४ हजार ५ सयसम्म तिर्नु परेको जनगुनासोको आधारमा अनुगमन गरिएको थियो । अनुगमनका क्रममा औषधी भण्डारमा राखिएका स्लाइन पानीका अधिकांश वोटलमा नेपाल सरकारबाट निःशुल्क लेखिएको स्टिकर भाग च्यातिएको अवस्थामा भेटिएको थियो ।

प्रयोगमा आएका स्लाईन पानिका वोटलहरुमा पनि त्यस्तै अवस्थामा भेटिएको वडा अध्यक्ष सुनुवारले बताए । उक्त स्वस्थ्य चौकिका ईञ्चार्ज अन्सारीको कोठामा पनि त्यस्तै स्टिकर च्यातिएको अवस्थामा स्लाईन पानिका वोटलहरु भेटिएका वडा अध्यक्ष सहित अनुगमनमा गएको टोलिले बताएको छ ।

स्वास्थ्य चौकीका इन्चार्ज अन्सारी भने यो आरोप आफु स्विकार्न तयार नरहेको बताउछन । अन्सारीले यो केही व्यक्तिले पूर्वाग्राही तरिकाले लगाएको अरोप मात्र भएको बताउछन । उनले यदी आफ्नो त्यस्तो नियत थियो भने प्रयोगमा आईसकेको बोतल नष्ट पनि गर्न सक्ने बताउछन ।

जिल्ला सदरमुकाम देखि ढुवानी गरेर ल्याउनु पर्ने भएकाले कति पय औषधीहरुको वट्टामा कोरिने घस्रिने हुदाँ केही व्यक्तिहरुले राजनीतिक प्रतिशोध साधेको हुन सक्ने अन्सारीको भनाई छ ।

यदी आफुले कुनै पनि व्यक्तिसँग स्लाईन पानी वापत वा उपचार खर्च गरेबापत १ हजार ५ सय देखि ४ हजार ५ सय सम्म लिएको फेला परेमा आफु जस्तो सुकै कारवाही गर्न पनि आफु तयार रहेको इन्चार्ज अन्सारीले बताए ।