काठमाडौं, १० वैशाख । राष्ट्रिय स्वतन्त्र पार्टी (रास्वपा) का सभापति रवि लामिछानेलाई सांसद पदबाट हटाउन जेनजीहरूले माग गरेका छन् ।
सहकारी ठगीसम्बन्धी गम्भीर मुद्दा लागेका व्यक्ति नैतिक र कानुनी रूपले सांसद पदका लागि योग्य नरहेको निष्कर्षसहित द काउन्सिल अफ जेनजी, रुपन्देहीले यस्तो माग गरेको हो । काउन्सिलद्धारा आज जारी विज्ञप्तिमा रविलाई विधानको धारा ८९ को मर्मअनुसार नैतिकता, पारदर्शिता र सार्वजनिक उत्तरदायित्वका आधारमा सांसद पदबाट मुक्त गरिनुपर्नेमा जोड दिइएको छ ।
संविधानले सार्वजनिक पदमा रहने व्यक्तिलाई उच्च आचरण, इमानदारिता र कानूनप्रतिको सम्मान अनिवार्य ठहर गरेको छु, विज्ञप्तिमा भनिएको छ, यस्ता गम्भीर आरोपकाबीच पदमा रहिरहनु लोकतान्त्रिक मूल्य, सुशासन र विधिको शासनको सिद्धान्तविपरीत छ ।
प्रतिक्रिया दिनुहोस्