काठमाडौं । नेपाल बार एसोसिएसनले प्रधानन्यायाधीश चोलेन्द्रशमशेर जबराको राजीनामा माग गर्दै आइबारबाट धर्ना दिने भएको छ । नेपाल बारको केन्द्रीय कार्यसमिति बैठकले न्यायालय शुद्धिकरणका लागि प्रधानन्यायाधीश जबराले राजीनामा दिनुपर्ने निष्कर्षसहित आगामी बुधबारसम्म विहान १० देखि ११ बजेसम्म पाखुरामा कालोपट्टि बा“धेर धर्ना दिने निर्णय गरेको जनाएको छ ।

त्यसैगरी बारले बुधवार सर्बोच्च प्रांगणमा धर्ना तथा विरोधसभा गर्ने जनाएको छ । बारले प्रधानन्यायाधीश जबरालाई आफ्नो लागि इजलास नतोक्न पनि आग्रह गरेको छ । आन्दोलनको थप रणनीति बनाउन बारले आइतबार देशैभरका ९० वटा इकाइस“ग भर्चुअल अन्तरक्रिया गर्नेसमेत निर्णय गरेको छ ।

त्यस्तै बैठकले सबैलाई न्यायालय शुद्धिकरण अभियानमा नेपाल बारले सुरु गरेको आन्दोलनमा सहयोग गर्न आग्रह गरेको छ । बुधबारसम्म प्रधानन्यायाधीश जबराको राजीनामा नआएमा नेपाल बारले आन्दोलनको थप कार्यक्रम सार्वजनिक गर्नेे बताइएको छ । नेपाल बारले यसअघि नै प्रधानन्यायाधीश जबराले न्यायपालिकाको नेतृत्व गर्न असक्षम भएको भन्दै राजीनामा दिनुपर्ने निर्णय गरिसकेको छ ।