काठमाडौं, २ जेठ । प्रधानमन्त्री बालेन्द्र शाह (बालेन) आज (शनिबार) डीडीसीद्वारा उत्पादित चिज खाँदै सामाजिक सञ्जाल फेसबुकमा देखिएका छन्। उनले उक्त तस्बिरसँगै अंग्रेजीमा क्याप्सन लेख्दै ‘Say cheese, DDC cheese’ उल्लेख गरेका छन्।

बालेन शाह प्रायः सामाजिक सञ्जालमा सक्रिय रहँदै आएका छन्। यसपटक पनि उनले फेसबुकमार्फत सार्वजनिक गरेको तस्बिरमा उनी चिज खाइरहेको अवस्थामा देखिएका छन्।

यसअघि प्रतिनिधिसभा बैठकमा उपस्थित नभएको विषयलाई लिएर विपक्षी दलहरूले उनको आलोचना गरिरहेका बेला शाह फेसबुकमा सक्रिय देखिएको भन्दै टिप्पणी भइरहेको छ।

विपक्षी सांसदहरूले उनलाई संसद्‌मा उठेका प्रश्नहरूको जवाफ सामाजिक सञ्जालबाट होइन, संसद्‌मै उपस्थित भएर दिनुपर्ने बताएका छन्। उनीहरूले प्रधानमन्त्रीको भूमिका संसद्‌मा कमजोर देखिएको आरोप पनि लगाइरहेका छन्।

त्यसैबीच, कालो कोटमा देखिने प्रधानमन्त्री शाह यसपटक फेसबुकमा सेतो पहिरनमा देखिएका छन्। उनले अघिल्लो शनिबार पनि यस्तै पहिरनमा तस्बिर सार्वजनिक गरेका थिए।