काठमाडौं, २० पुस । नेकपाका अध्यक्ष पुष्पकमल दाहाल प्रचण्ड मुम्बईतर्फ जानुभएको छ । श्रीमती सीता दाहाललाई थप उपचारका लागि प्रचण्ड मुम्बई गएका जानु भएको हो । तीन दिनअघि भैसेपाटीस्थित मेडिसिटी अस्पतालमा उपचारपछि घरमै बस्नु भएको थियो ।
उहालाई थप उपचारका लागि मुम्बई लगेको पारिवारीक स्रोतले जनाएको छ । सीताको मुम्बईस्थित न्युरोजन ब्रेन एण्ड स्पाइन इन्ष्टिच्युटमा उपचार हुनेछ । डा. आलोक शर्माले उहाको उपचार गर्नुहुने छ । सीताको यसअघि पनि अमेरिका, सिंगापुर र भारतमा उपचार भएको थियो । पछिल्लो समय सीताको स्वास्थ्यमा थप समस्या देखिएपछि उपचारका लागि मुम्बई जानुभएको थियो ।
नेपाल एयरलाइन्सको जहाजमार्फत मुम्बई लागेका प्रचण्ड र सीताको साथमा छोरीहरु रेणु दाहाल, गंगा दाहाल र एकजना नर्स छन् ।
प्रतिक्रिया दिनुहोस्