बुटवल, ६ फागुन
राष्ट्रिय प्रजातन्त्र पार्टीका अध्यक्ष कमल थापाले राष्ट्रियताको एजेण्डाबाट जनताको अभिमत पाएको सरकारका प्रधानमन्त्रीले सरकार ढाल्ने षडयन्त्र देख्नु दुखद भएको बताउनु भएको छ । पार्टीले आज बुटवलमा आयोजना गरेको पत्रकार सम्मेलनमा बोल्दै अध्यक्ष थापाले जनअभिमत प्रामप्त सरकारलाई राष्ट्रिय अन्तराष्ट्रिय कुन शक्तिले ढाल्न खोजेको हो प्रधानमन्त्रीले स्पष्ट पार्नुपर्ने बताउनु भयो । प्रधानमन्त्री केपी ओलीले आईतबार झापा पुगेर सरकार ढाल्ने षडयन्त्र चलेको बताउनु भएको थियो ।
उहांले सरकारले जनअपेक्षा अनुरुप काम गर्न नसकेको आरोप लगाउंदै सकारात्मक काम नभएपनि गणीतिय हिसावले सरकार ५ वर्ष टिक्ने दाबी गर्नुभयो । सरकार बनाउने र ढाल्ने खेलमा राप्रपा नलाग्ने थापकाको भनाई छ ।
राप्रपा अध्यक्ष थापाले बिगतको निर्वाचनमा राप्रपा पराजित भएको बिषयमा पार्टीले समिक्षा गरेको बताउंदै दरबार वरिपरि घुम्ने केहि शक्तिहरु राप्रपालाई कमजोर बनाउन लागेको आरोप लगाउनु भयो । उहांले घुमाउरो पारामा पुर्व राजालाई ततस्थ र निश्पक्ष बन्न आग्रह गर्दै राजसंस्था र राजा राजनिती भन्दा माथि हुनु पर्ने बताउनु भयो ।
बिगतमा ओली नेतृत्वको सरकारमा सहभागिता ठिक भएपनि त्यहि सरकारलाई ढाल्ने प्रचण्ड नेतृत्वको सरकारमा सहभागि भएर पार्टीले गम्भीर गल्ती भएको अध्यक्ष थापाको भनाई छ । समान प्रकारको एजेण्डा बोकेको भारतीय जनता पार्टीलाई सत्तामा पुग्न ६० वर्ष लागेको प्रसंग स्मरण गर्दै उहांले १, २ चुनाव हार्दैमा बिचारको गति नरोकिने स्पष्ट पार्नुभयो ।
पत्रकारहरुको जिज्ञासाका बिषयमा बोल्दै थापाले एमसिसि मुलुकको लागि आवश्यक रहेको बताउंदै सत्तारुढदल भित्रै धेरै एमसिसिका बिषयमा चर्चा चलेकाले सरकारले एमसिसिका बिषयमा स्पष्ट पार्न माग गर्नुभयो । राप्रपाको निर्धारित समय भन्दा २१ म्हिना पहिले महाधिवेशन गर्न लागेको भन्दै मुलुकभर ३ लाख क्रियाशिल सदस्य बनाउने गरि पार्टीले संगठन बिस्तारलाई प्राथमिकतामा राखेबो जानकारी दिनुभयो ।
संगठन बिस्तारको योजना अन्तर्गत राप्रपाको प्रदेश नम्बर ५ को भेलालाई सम्बोधन गर्नै अध्यक्ष थापा बुटवल पुग्नुभएको हो ।