सियान, १२ बैशाख  छिमेकी मित्रराष्ट्र चीनको ९ दिने राजकीय भ्रमणमा रहनुभएकी राष्ट्रपति विद्यादेवी भण्डारीको सम्मानमा सान्सी प्रान्तका गर्भनर लिउ गाओझाङले द ग्रेट व्यांकेट हल, सोफिटल कन्भेन्सन सेन्टरमा स्टेट ब्याक्वेट दिनुभएको छ ।

यसअघि राष्ट्रपति भण्डारीले आज राष्ट्रपति विद्यादेवी भण्डारीले बिहीबार बिहान ता सियान बौद्ध मन्दिरको अवलोकन गर्नुभयो । मन्दिर परिसरमा आइपुग्दा उहाँलाई त्यहाँका प्रमुख चेन किङले स्वागत गर्नुभयो ।

साथै मन्दिरका विषयमा राष्ट्रपति भण्डारीलाई जानकारी दिइएको थियो । चीनमा बौद्ध धर्मावलम्बीका लागि यो राम्रोसँग संरक्षण गरिएको प्राचीन धार्मिक मन्दिर हो । यो शहरबाट करीब चार किलोमिटर दक्षिणी बाहिरी भागमा अवस्थित छ । ता सियान मन्दिरले आफ्नो ख्यातिका कारण अधिकतम पर्यटक आकर्षण गर्छ ।

यसको निर्माण साधारण भए पनि आकर्षक छ । यो मन्दिर ताङ वंशको शासनकालमा सम्राट गाओजोङका पालामा इसं ६५२ मा बनेको हो । यस मन्दिरमा पुजारी सेङचुङले भारतबाट ल्याउनुभएको बौद्ध सामग्री राख्ने गरिन्थ्यो ।

भ्रमणका क्रममा राष्ट्रपति भण्डारीले मन्दिरको आगन्तुक पुस्तिकामा हस्ताक्षर गर्नुभयो । राष्ट्रपति भण्डारीले नेपाली समय अनुसार विहान सा“ढे सात बजे सियानस्थित प्राचिन घोस प्यागोडाको अवलोकन गर्नुभएको हो । विग वाइल्ड घोस प्यागोडा बौद्धमार्गीहरुको पवित्र स्थल मानिन्छ । सियान शहरबाट चार किलोमिटर दक्षिणमा रहेको यो प्यागोडाको निर्माण अलौकिक रहेको छ ।

राष्ट्रपतिलाई सियान शहरका चिनिया“ अधिकारीहरुले प्यागोडाको बारेमा जानकारी गराएका थिए । भ्रमणपछि राष्ट्रपतिले प्यागोडामा रहेको स्मरण पुस्तिकामा आफ्नो अनुभव लेख्नुभएको थियो । राष्ट्रपति भण्डारीले आज दिउसो सियानमै रहेको वारियर म्युजियमको समेत भ्रमण गर्नुहुनेछ । भण्डारी सियानको भ्रमण पुरा गरी आजै सांझ चीनको राजधानी बेइजिङ प्रस्थान गर्नुहुनेछ ।

चिनिया“ समकक्षी सी जिन पिङको मैत्रीपूर्ण निमन्त्रणामा चीनको राजकीय भ्रमणका क्रममा हिजो अपराह्न सान्सी प्रान्तको राजधानी सियानमा पुग्नुभएको थियो ।