काठमाडौं, ११ पुस । संसदको हिउँदे अधिवेशनको पहिलो बैठकलाई सम्बोधन गर्दै राष्ट्रिय जनता पार्टी नेपालका अध्यक्ष मण्डलका संयोजक राजेन्द्र महतोले टोलटोलमा पुग्नुपर्ने सरकार पोलपोलमा पुगेको टिप्पणी गरेका छन् ।

यसअघि तीन नेताले बोल्दा समय नतोकेका सभामुखले उनको पालामा १० मिनेट समय तोकेपछि राजपा नेता महतो विभेद भएको भन्दै सम्बोधन सुरु गरे । जनताबाट निर्वाचित रेशम चौधरीलाई अहिलेसम्म संसदमा उपस्थित नगराउनु पनि विभेद भएको उनले बताए ।

जनयुद्धमा हजौं मान्छे मारिएपनि प्रचण्ड र माओवादी नेताहरुलाई कुनै मुद्दा नलागेको तर, थारुले आन्दोलन गर्दा रशेम लगायतलाई जेलमा राखेको उनले बताए । प्रचण्डजी दुई ढंगको व्यवहार नगर्नुस् र यसलाई गम्भीरतापूर्वक लिनुस् उनले भने।’

राम्रो काम गरोस् भनेर सरकारलाई समर्थन गरेको तर, दुई तिहाईको सरकार ‘खुँदा पहाड, निकला चुहा’ भने झै भएको महताको टिप्पणी थियो । सरकारले संविधान संशोधन अघि नबढाएको भन्दै असन्तुष्टि जनाएका उनले सात दिनभित्र यसबारे ठोस जवाफ दिन प्रधानमन्त्रीलाई आग्रह गरेका छन् ।