काठमाडौं १४ चैत्र । प्रधानमन्त्री केपी शर्मा ओली हिजो रातीदेखि अस्पताल भर्ना हुनुभएको हो ।

बिहीबार रातिदेखि शरीरमा असहज महसुस भएकाले प्रधानमन्त्रीलाई त्रिवि शिक्षण अस्पताल महाराजगञ्जमा भर्ना गरिएको प्रधानमन्त्रीका निजी ससचिव राजेश ब्रजाचार्यले एबीसीलाई बताउनुभयो ।

प्रधानमन्त्रीको मुटुको चाल (पाल्भिटेशनमा) माअप डाउन देखिएको थियो । तर अहिले बिहानसम्म स्थिति सामान्य बनिसकेको छ ब्रजाचार्यले बताउनु भयो । ब्रजाचार्यका अनुसार प्रधानमन्त्री ओलीको आजै सांझसम्म डिस्चार्ज हुन्छ । अन्य कुनै समस्या छैन ।

दोस्रो पटक मिर्गौला प्रत्यारोपण गरेपछि लामो आराम गर्नुपर्ने भएपनि प्रधानमन्त्रीले केही नभएजस्तो गरी काम गरिरहनु भएका कारण पनि यस्तो हुनसक्ने चिकित्सकले बताएका छन् । प्रधानमन्त्री आली मृगौला प्रत्यारोपण लगत्तै ससर्कस्तरी भिडियो कन्फ्रेन्समा, मन्त्रिपरिषद बैठकमा झण्डै ४ घण्टा र क्रोना विरुद्धको निर्देशनका लागि देशवासीका नाममा सम्वोधन गर्नुभएको थियो ।

२१ फागुनमा प्रधानमन्त्री ओलीको शरीरमा दोस्रोपटक मिर्गौला प्रत्यारोपण गरिएको थियो । १२ दिनको स्पताल बसाईपछि प्रधानमन्त्री सर बालुवाटार निवास फर्कनुभएको थियो ।