काठमाडौं २ फागुन । नेपाल कम्युनिष्ट पार्टीका अध्यक्ष तथा १० वर्षे जनयुद्धका कमाण्डर पुष्पकमल दाहाल प्रचण्डले २०५७ सालदेखि आफू पार्टीको प्राधिकारपूर्ण नेता भएका कारण नै शान्ति सम्झौता मार्फत जनययुद्ध अन्त्य गर्न सकेको बताउनु भएको छ ।
जनयुद्ध योजनावद्ध र सबैभन्दा राम्रो तयारीका साथा शुरु गरिएको विश्वकै पछिल्लो र सफल क्रान्ति भएको बताउँदै प्रचण्डले दश वर्षे जनयुद्धका महत्वपूर्ण नीतिगत योजनाको खुलासा गर्नुभएको छ । एबीसी न्युजको आउटलुक कार्यक्रमका लागि प्रधानसम्पादक शुभशंकर कंडेलसँग जनयुद्धको तयारी देखि दश वर्षभित्रका हरेक योजनाको चिरफार गर्दै प्रचण्डले आफूले दाङ आक्रमण योजनाको रेकी समेत गरेको खुलासा गर्नु भएको छ ।
संसारभर क्रान्तिको उभार देखेपछि जनयुद्ध शुरु गरेको र ती क्रान्तिहरु ध्वस्त भइरहेका परिवेश देखेपछि शान्ति सम्mभौतामा आएको प्रचण्डाको दावी छ ।
शान्ति प्रक्रियाका दश वर्षमा भने आफू कुटनीतिक दाउपेच र विभिन्न खालका जालझेल र तिकडमलाई चिर्नमा चुकेको समेत प्रचण्डले बताउंदै अहिले आफु सबै खाले तरिकाका लागि परिपक्कव भएको समेत दावी गनुभएको छ ।

प्रचण्डसंगको विशेष अन्तर्वार्ता ।