बुटवल, ११ माघ ।
प्रदेश ५ सरकारका मुख्यमन्त्री तथा नेपाल कम्युनिष्ट पार्टी नेकपाका प्रदेश ५ ईन्चार्ज शंकर पोखरेलले नेकपाको तर्फबाट सभामुख प्रस्ताबित गरिएका अग्नी सापकोटा माथी कुनै पनि मुद्दा नलागेको स्पष्ट पार्नुभएको छ ।
प्रेस संगठनको प्रथम भेलालाई आज बुटवलमा सम्बोधन गर्दै पार्टी इन्चार्ज पोखरेलले उहांमाथी मुद्दा लगाउन पाउं भनेर दर्ता भएको निबेदनलाई मुद्दा लागेको भन्न नमिल्ने बताउनु भयो । उहांले मुलुकमा शान्ति प्रक्रियाले गति लिईरहेका बेला हिजोको बिषयलाई लिएर कुरा उठाउन नमिल्ने बताउंदै सत्य निरुपण तथा मेलमिलाप आयोगले गर्ने काम आफुखुसी कसैले गर्न नहुने बताउनु भयो ।
मुख्यमन्त्री पोखरेलले नेकपाको एकिकरण ठुलो पार्टी बनाउन र स्थायी सरकार चलाउनको लागि मात्र नभएको उल्लेख गर्दै मुलुकमा समाजबाद स्थापना गर्न पार्टी एकिकरण गरिएको बताउनु भयो । सामाजीक र आर्थिक आधार निर्माण नभई समाजबाद स्थापना नहुने उहांको भनाई छ ।
प्रेस संगठन आवद्ध पत्रकारहरुको क्षेमतामाथि प्रश्न उठाउंदै मुख्यमन्त्री पोखरेलले अन्तराष्ट्रिय अनुसन्धानले हरेक दृष्टिकोणबाट नेपालमा सुधार आएको प्रतिबेदन आईरहंदा नेपालका आम सञ्चारमाध्यममा नकारात्मक समाचार आईरहेको टिप्पणी गर्नुभयो । उहांले मोफसलका पत्रकारहरुले स्वतन्त्रतापुर्वक पत्रकारीता गर्न नपाएको बताउंदै काठमाण्डौमा बसेका सरकार बिरोधी पत्रकारहरुको जमातले मोफसललाई निर्देशित गर्ने गरेको आरोप लगाउनु भयो ।

प्रदेशको राजधानी र नामाकरणका बिषयमा आफ्नो निजी धारणा नभएको स्पष्ट पार्दै सहमती कै आधारमा राजधानी र नामको टुङ्गो लाग्ने बताउनु भयो । आफुले निर्वाचनका बेला घोराही राजधानी बनाउने कुरा उठाएको र महासचिव बिष्णु पोखरेलले बुटवल बनाउने घोषणा गर्नुभएको स्मरण गर्दै उहांले आफुले त्यो धारणा त्यागिसकेको र दुबैले त्यो धारणा त्याग्नु पर्ने बताउनु भयो । राजधानी र नाम बिभाजनक लागि होईन जोड्नकालागि हुनु पर्ने उहांको भनाई छ ।
कार्यक्रममा बोल्दै प्रधानमन्त्रीका प्रेस सल्लाहकार तथा नेकपाका प्रचार बिभाग उपप्रमुख सुर्य थापाले सरकारले गरेका राम्रा र भएका कामको रक्ष ागर्न संगठन आवद्ध पत्रकारहरु असफल भएको बताउनु भयो ।
प्रेस संगठनका सह संयोजक गणेश बस्नेतले नेपाली जनताले नेपाल कम्युनिष्ट पार्टीलाई सरकार चलाउन बहुमत दिएको सत्यतालाई नेपाली मिडीयाले आत्मसाथ गर्न नसकेको आरोप लगाउनु भयो ।
प्रदेश भेलामा प्रदेशका १२ जिल्लाका संयोजक, सह संयोजक सहित प्रदेश कमिटीका सदस्यहरु, प्रदेश अन्तर्गतका केन्द्रिय सदस्य एवं सचिवालय पदाधिकारीहरुको उपस्थिती रहेको थियो । सहभागिहरुलाई प्रेस संगठन रुपन्देहीका संयोजक अमृत गिरीले स्थागत गर्नुभएको थियो भने बुटवल घोषणापत्र जारी गर्दै संगठनका प्रदेश संयोजक सबिन प्रियाशनले समापन गर्नुभएको थियो ।