काठमाण्डौं, २० काक्तिक । जसरी पनि निर्वाचन जित्न यतिबेला दलहरु जोसँग जस्तोसुकै सहकार्य गर्न पनि पछि हटेका छैनन । सहकार्यमा राजावादी राष्ट्रिय प्रजातन्त्र पार्टी नेपाली कांग्रेस र एमाले–माओवादीको बाम गठबन्धनदेखि कांग्रेसको लोकतान्त्रिक गठबन्धनसम्मको रोजाईमा परेका छन् । राप्रपाले औपचारिक रुपमा कांग्रेससँग चुनावी एकता कार्य गरेपनि केही नेताहरुले बामगठबन्धनको समर्थनमा निर्वाचनमा प्रतिस्पर्धा गरेका छन । चुनावी स्वार्थको चङगुलमा राप्रपासँग कांग्रेस मात्र होइन एमाले पनि परेको छ । बाम गठबन्धनका कारण अत्तालिदै जो कोहीसंग पनि समिकरण गर्न पुगेको कांग्रेसको सिको गर्दै बाम गठबन्धनले पनि देशै भरी बिचार र सिद्धान्त नमिल्ने दलहरुसंग गठबन्धन बनाउन अग्रसर भएको रुपष्ट छ ।

झापा निर्वाचन क्ष्ँेत्र नम्बर ३ मा कांग्रेस नेता कृष्णप्रसाद सिटौलाले बामगठबन्धनको समर्थन पाएका राप्रपाका नेता राजेन्द्र लिङ्देलसँग भिड्दै छन् । सुरुका दिनमा लोकतान्त्रिक गठबन्धनको समर्थनमा लिङ्देलले प्रतिस्पर्धा गर्ने भनिएको भएपनि सिटौलाले उनलाई स्विकार गर्न सकेन्न ।

पछि उनै लिङ्देर बाम गठबन्धनको आर्शिबादबाट उम्मेदवारु बनेका छन् । लोकतान्त्रिक गठबन्धनबाट बाहिरने खतरामा पुगेको लिङ्देल पछि बामगठबन्धको सहयोगमा उम्मेदवारी हुत्याउँदा झापाका एमालेजन चकित परे । झापामा एमाले अध्यक्ष केपी शर्मा ओलीको बामगठबन्धलको विजयी सुनिश्चित बनाउन राप्रपासंग समिकरण गर्नु कति आवश्यक थियो त्यो झापाका एमालेलाई नै थाहा होला । तर पार्टीको निर्देशन मान्दै झापाका एमालेसहितका बाम गठबनधलले राप्रपाका लिङ्देलको पक्षमा प्रचारप्रसार र मत दिन बाध्य बनाइयो ।
उता राष्ट्रिय राजनीतिमा सधै दक्षिणी कित्तामा उभिएका नवलपरासीका हृदेयस त्रिपाठी, कपिलवस्तुका बृजेशकुमार गुप्ता र बाँकेका पशुपतिदयाल मिश्रलाई सुर्य चिन्ह प्रदान गरेसँगै बाम गठबन्धनका हजारौ कार्यकर्ता उनीहरुको पक्षमा निर्वाचनमा लाग्न बाध्य भएका छन् । त्रिपाठी मधेश आन्दोलनदेखि नै मधेशमा प्रभाव जमाउने मध्येका वैचारिक र निडर नेतृत्व हुन । पछिल्लो समय त्रिपाठी राष्ट्रिय जनता पार्टीको विचार, कार्यशैली र व्यवहारप्रति असन्तुष्टि भई बाहिरीएका थिए । गुप्तापनि मधेशमा प्रभावशाली नेतृत्व गरे मध्येका एक नेता हुन । उनले राजपाको कार्यशैलीप्रति असहमति जनाउँदै बामसँग सहकार्य गर्न बाध्य भएका छन् । यी नेता अहिले एमालेको सूर्य चुनाव चिन्ह् लिएर बामगठबन्धको साझा उम्मेदवारबाट प्रतिस्पर्धामा छन् । मिश्र भनेराप्रपाका प्रधावशाली नेता हुन अहिले बामसँगको सहकार्यमा छन् ।

एमाले–माओवादीले बाम गठबन्धन सार्वजनिक गरेकै दिन बाम गठबन्धन राष्ट्रिय स्वाधिनता, सार्वभौमसत्ता, राष्ट्रिय अखण्डता रक्षा, परिवर्तनको संस्थागत बिकास, आर्थिक समृद्धीको लाइनमा लिंदै समाजबाद तर्फ मुलुकलाई डो¥याउने प्रतिबद्धता सार्वजनिक गरेको थियो । बामपन्थीहरुको गठबन्धनलाई बलियो बनाउंदै दीर्घकालीन रुपमा बाम ध्रुविकरणको वातावरण निर्माण गर्नेगरी अघि बढेको शक्ति हो ।
तर निर्वाचनपछि झापाका लिङ्देल, नवलपरासीका त्रिपाठी, कपिलवस्तुका गुप्ता र बाँकेका मिश्रसँगको चुनावी साठगाठले कसरी बाम ध्रुविकरण सम्भव होला त ?

नेपालमा बाम आन्दोलनले ७ दर्शक पार गर्ने लाग्दा पहिलोपटक बाम गठबन्धन केन्द्रीकृत हुन थालेका हुन । एउटै कम्यु्निष्टको झण्डा फहराएर दर्जनौ पार्टीहरु व्यक्तिगत स्वार्थमा सञ्चालित हुर्दै आएका छन् । मुलुकका जारी निर्वाचनमा धेरैपटक कम्युनिष्ट पार्टी र सिद्धान्त बोक्ने दलका नेतालाई मतदान गरेका मतदाता अहिले भने पार्टीको निर्देशन पालना भएमा परिवर्तनका विरोधीदेखि राजावादीसम्मलाई चुनावी गठबन्धकै नाममा मतदान गर्नुपर्ने अवस्था सिर्जना भएको छ । कम्युनिष्ट पार्टी विचारधारका आम मतदातालाई भने ठुला बामशक्ति एक हुदाँ निकै उर्जा थपिदिएको छ । सक्कली बामपन्थीहरु अहिलेको सहकार्य मात्र क्षणिक निर्वाचनमा स्वार्थ पुरा गर्न नलागि मुलुकको निकास र स्थिर शासन व्यवस्थाको रुपान्तरणमा लाग्नुपर्ने पक्षमा उभिएका छन् ।