बुटवल, १५ जेठ ।
गणतन्त्र दिवशका अवसरमा प्रदेश ५ को राजधानी बुटवलमा आज बिहान प्रभातफरी तथा गणतन्त्र दिवश बिशेष समारोह सम्पन्न भएको छ ।
गणतन्त्र दिवश बिशेष समारोहलाई सम्बोधन गर्दै मुख्यमन्त्री पोखरेलले गणतन्त्र स्थापना भएपछी नेपालीले पराजित गर्नुपर्ने कुनै शक्ति र सस्था नभई जनताको बिचमा रहेको गरीबि अशिक्षालाई निवारण गरी समृद्ध राष्ट बनाउन मात्र बाकि रहेकाले सबै सरकार, राजनीतिक दल, संघ संस्था र नागरीकहरु एकमत भई समृद्धिको कार्यमा लाग्नु अहिलेको आवश्यकता रहेको बताउनुभयो ।
उहाले प्रदेश सरकार स्थापना भएकोे एक वर्षमा जनताले प्रदेश सरकारलाई खोज्ने अवस्थामा पुर्याएको र अव योजनाबद्ध बिकास गरी समृद्ध नेपाल बनाउने अभियानको सुरुवात प्रदेश ५ बाट गर्ने बताउनुभयो ।
उहाले भन्नुभयो एक बषृमा जनताले प्रदेश सरकार खोज्न लागेका छन, हामीले पहिलो वर्ष कानून निर्माण वर्ष भन्यौ र त्यही अनुसार काम गर्यौ, प्रदेशको आवधिक योजना पनि बनायौ, अव त्यही आवधिक योजनाका आधारमा समृद्ध प्रदेश बनाउने गरी काम गछौ र यो प्रदेश समृद्ध हुदा अन्य प्रदेशले पनि सिक्ने छन र नेपाल नै समृद्ध नेपाल बन्ने छ ।
मुख्यमन्त्री पोखरेलले अहिले पनि बजेट खर्च गर्ने, आर्थिक बृद्धिदर बढाउने प्रदेशमा ५ नम्वर प्रदेश अन्य प्रदेशको तुलनामा अघि रहेको बताउदै दुई अंकको आर्थिक बृद्धिदर पहिला हासिल गर्ने प्रदेश पनि यही नै हुने बताउनुभयो ।
बुटवलको राजमार्ग चौराहबाट सुरु भएको बाजागाजा झाकी सहितको र्याली – प्रभातफेरी बिशेष समारोहस्थल बुटवलमण्डपमा पुगी समापन भएको थियो । प्रदेश ५ का बिभिन्न सस्कृति झल्कने ३१ वटा झाकी प्रर्दशन गरीएको थियो । उत्कृष्ट झाकिलाई नगद पुरस्कारबाट पुरस्कृत समेत गरीएको थियो । उत्कृष्ट झाकिलाई प्रदेश ५ का प्रमुख उमाकान्त झा र मुख्यमन्त्री शंकर पोखरेलले पुरस्कार तथा प्रमाण पत्र बितरण गर्नु भएको थियो । र्यालीमा तमू प्ले ल्हु बुटवल प्रथम, नेवा समाज बुटवल द्धितिय र पद्म चैत्य बिहार तृतिय भएका थिए ।
त्यस्तै थकाली समाज बुटवल, क्षेत्री समाज बुटवल, नेपाल मगर संघ, कालिका मानवज्ञान माबि, ब्रम्मह कुमारी इश्वरीय बिश्वबिद्यालय,थारु सस्कृति मयुर नाच, नौमति सास्कृतिक समूह सैनामैना, सान्त्वना भएका थिए । र्यालीका प्रथमलाई ३० हजार, द्धितियलाई २५ हजार, तृतियलाई २० हजार र सान्त्वनालाई रु १० हजार नगद रुपैया प्रदान गरीएको थियो । र्यालीमा ३१ वटा सस्थाले झाकि प्रस्तुत गरेका थिए ।