वैशाख, २२ काठमाडौं । नेकपाका नेता अग्नि सापकोटाले नीति तथा कार्यक्रममा प्रयोग भएको ‘मेरो सरकार’ प्रति कटाक्ष गरेका छन् ।
प्रतिनिधि सभामा नीति तथा कार्यक्रममा छलफलमा भाग लिदै सांसद सापकोटाले अन्तर्राष्ट्रिय प्रचलनका नाममा हाम्रो मौलिकतालाई असर पुग्ने काम गर्न नहुने बताए । जनयुद्धदेखि गणतन्त्रसम्मको अहिलेको यात्रा मौलिक रहेको भन्दै पहिले प्रयोग हुने शब्द अहिले अन्तर्राष्ट्रिय प्रचलनका नाममा कुनै कुराको बहानामा मौलिकतालाई असर पर्न नहुने बताए ।
उनले भने, ‘हाम्रो सिजनात्मकता हाम्रो मौलिकता भित्रबाट हुनु पर्छ, कसैको नक्कल गर्ने कुरा किमार्थ सहि हुदैन ।’
नीति तथा कार्यक्रम सकारात्मक भएपनि कार्यन्वयन पक्षमा सरकारले ध्यान दिनुपर्ने बताए ।
अहिले भ्रष्ट्राचार व्यापक बढेको भन्दै भ्रष्ट्राचार नियन्त्रण गर्न हागा काटेर नहुने भन्दै जरो नै उखेल्नु पर्ने बताए । उनले कुनै प्रवचन दिएर, कसम खुवाएर भ्रष्ट्राचार नियन्त्रण गर्न नसकिने बताए । बालुवाटार, खुलामञ्च, तारागाउँ, पोखरा, जनकपुर जताततै भ्रष्ट्राचार रहेको बताए ।
सांसद सापकोटाले सरकारी, सार्वजनिक, गुठिको जग्गा अनुसन्धान गर्न उच्च स्तरीय आयोग बनाउन माग गरे ।
प्रतिक्रिया दिनुहोस्