वैशाख, २२ काठमाडौं । नेपाल सरकारका वेबसाइटहरुमा समस्या आएको छ । नेपाल सरकार मातहत सञ्चालित डट जिओभी डट एनपी डोमिनका वेबसाइटहरुमा आइतबार बिहानैदेखि करिब १२ः१५ सम्म समस्या आएको हो ।
सरकारी वेबसाइटहरको डाटा सर्भर राख्ने गभरमेण्ट इण्टिग्रेटेड डाटा सेन्टर अर्थात् जिआइडीसीको मुख्य सर्भरमा समस्या आएपछि सरकारी वेबसाइटहरु नखुलेका हुन् ।
सरकारी तथ्याङ्क सुरक्षण गर्ने निकाय जिआइडीसीका सहायक निर्देशक रमेश पोखरेलका अनुसार अहिले प्रयोगकर्ताको सङ्ख्या (ट्राफिक) बढी भएको कारणले समस्या आएको बुझिएको छ ।
डट जिओभी डट एनपीमै डोमिन भएपनि जिआईडीसीबाहिर सर्भर रहेका सरकारी साइट भने चलिरहेका छन्
पोखरेलका अनुसार अहिले आइपीमा समस्या आएपनि डिएनएसबाट सरकारी वेबसाइटहरु सञ्चालन भइरहेका छन् ।
सर्भरमा भाइरसका कारण पनि यस्तो समस्या आएको हुनसक्ने उनले बताए ।
प्रतिक्रिया दिनुहोस्