पार्टीको सरकार एकातिर र पार्टीको कार्यकर्ता अर्कोतिर हुने स्थितिको अन्त्य हुनु पर्दछ ।



बुटवल, ९ बैशाख ।
नेपालमा कम्युनिष्ट पार्टी स्थापना भएको ७० वर्ष पुग्दा नेपालीहरुले कम्युनिष्टहरुलाई २ तिहाई बहुमत सहित सरकारमा पु¥याएकाछन् । ६२ प्रतिशत भन्दा बढी जनताको समर्थनमा सरकारमा कम्युनिष्ट पार्टी पुगेपनि देशकै ठूलो पार्टी बनेको नेपाल कम्युनिष्ट पार्टी नेकपाको एकता प्रक्रियामा भएको ढिलासुस्तीले भने कार्यकर्तामा आशंका उत्पन्न गराईदिएको छ ।
आज २२ अप्रिल, अर्थात बिश्व सर्वहारा बर्गका नेता लेनीनको जन्मदिन् । नेपालका समाजबादीहरुले लेनीन कै जन्मदिनलाई आधार बनाएर भारतको कलकत्तामा आजकै दिन कम्युनिष्ट पार्टीको गठन गरेका थिए । पुष्पलाल श्रेष्ठको अगुवाईमा कम्युनिष्ट पार्टी गठनहुंदा नारायण बिलाश जोशी, नरबहादुर कर्माचार्य, निरन्जन गोबिन्दबैद्य आफैले हस्ताक्षर गरेका थिए भने मोतीदेबी श्रेष्ठले घोषणा पत्र सार्वजानीक हुने बेलामा हस्ताक्षर गरेकि थिईन् । १९४९ सेप्टेम्बर १५ मा कम्युनिष्ट पार्टीको घोषणा पत्र सार्वजानीक भएको थियो । नेपाली समाजबादी युवाहरुले गठन गरेको कम्युनिष्ट पार्टी गठन गरेको ७० वर्ष पुग्दा जनताले कम्युनिष्टहरुलाई २ तिहाई बहुमत सहित सरकारमा पु¥याईदिएका छन् । टुटफुट, बिग्रह, बिखण्डन र आत्मसमर्पणका हजारौं सृङ्लाहरु पार गर्दै कम्युनिष्टहरु बहुमतका साथ सरकारमा उपस्थित छन् । जनताले पनि कम्युनिष्टहरुले भने जस्तै संस्कारकारुपमा रहेको सामान्ती ब्यवस्थाको पुर्णरुपमा अन्त्य र जनताले जनतामाथि शासन गर्ने ब्यवस्थाको प्रतिक्षा गरिरहेको धेरै समेय बितेको छ । नेपालका दुई फरक फरक ध्रुवका दुई कम्युनिष्ट शक्तिका बिच एकता भएपछि नै नेपालको इतिहासमा भारी बहुमत सहित सरकारमा पुग्न सफल भएको हो भन्दा फरक पर्दैन । तर जनताले पार्टीलाई बहुमत दिएपनि पार्टीको आन्तरिक जिवनमा नेताहरुले आ आफ्नो बहुमत पु¥यानउने दाउमा एकता प्रक्रियालाइए ११ महिना लगाईदिएपछि भने कार्यकर्ताहरु सशंकित बनेका छन् ।
महिना लगाएर नेताहरुले पार्टीको एकता प्रक्रियालाई तुङ्गिएको बताए पनि कार्यकर्ताको मन भने अझै मिल्न बांकी नै रहेको देखिन्छ । सुरुमा एक ब्यक्त एक पदको अवधारणामा गएका नेताहरु ८ महिना पछि फेरी फर्केर पुरानै नेतृत्वलाई पहिलो र दोस्रो जिम्मेवारी सुम्पंदै एकता प्रक्रिया सम्पन्न भएको घोषणा गरेका छन् । ढिलो भएपनि एकता पछिको कार्यकर्ताको परिचालनलाई गति दिएर बिचमा कमजोर देखिएको उपस्थितीलाई बलियो बनाउनु पर्ने तर्क छ रुपन्देहीका पुराना कम्युनिष्ट नेता नेत्र पन्थीको ।
त्यसो त पार्टी एककिरण प्रक्रियालाई लम्बाईएकोमा कार्यकर्तामा निरासा रहेकै थियो, त्यसमा पनि सरकारले अगाडी सारेका कार्यक्रमहरुमा प्रतिपक्ष भन्दा पार्टी भित्रैबाट कडा ब्यंङ्गका स्वरहरु समेत सुनिन थालेको थियो । स्थानीय नेताहरु सहित केन्द्रका नेताहरुले जिम्मेवारी नपाउंदा बिरबलको खिचडी जस्तै गरि सरकारको बिरुद्ध शब्द जाल बनाउन पार्टी कै नेता कार्याकर्ता उद्देत देखिन्थे ।

काठमाण्डौमा पार्टी नेताहरुले एकताको सन्देश दिंदै आज टुङ्याएको एकता प्रक्रियाले पार्टी भित्रको संकट मोचन भएको तर्क गर्छन प्रदेश नम्बर ५ प्रदेशसभामा नेकपाका सभासद भोज प्रसाद श्रेष्ठ ।
आज कम्युनिष्ट पार्टीको स्थापना दिवस संगै बिश्व कम्युनिष्ट आन्दोलनका नेता लेनीनको जन्म जयन्ती पनि हो । आज पनि नेपाल लगायत सबै देशका कम्युनिष्टहरुले लेनीनको संगठनात्मक सिद्धान्तलाई पालना नै गरिरहेका छन् । संगठनमा जनबाद र केन्द्रियताको बैज्ञानीक परिभाष नै लेनीनको संगठनात्मक सिद्धान्त हो, तर,कार्यकर्ताले अधिकार खोज्दा अराजकता देख्ने र केन्द्रले नियमन गर्न खोज्दा तानाशाही बुझ्ने नेपाली कम्युनिष्टहरुले जनबादी केन्द्रियता भन्दै आफुले लेनीनबादी संगठनात्मक सिद्धान्त अपनाईरहेको गफ भने गरिरहेका हुन्छन् । कमा, फुलिस्टप र टिके पदको सुनिश्चिताका नाममा फुट्नु, टुट्नु र एकले अर्कालाई खुईल्याउने नेपाली कम्युनिष्टहरुले लेनीनको जन्म जयन्ती मनाईरहंदा लेनीनको सिद्धान्त परिपालना गर्ने प्रतिबद्धता मात्र जनाउने हो भने पनि पार्टीको एकताले बल नै पु¥याउने निश्चित छ । लेनीनले त श्रमजिवीहरु फुट्न होईन जुट्न सिकाएका थिए । जनबाद र केन्द्रियताको सन्तुलन पत्ता लगाएका थिए र संगठन र अनुशासनको सिद्धान्त प्रतिपादन गरेका थिए ।
लेनीनबादी संगठनात्मक सिद्धान्तलाई अंगिकार गर्न पार्टीका संरचनाहरु घटाउंदै लानुपर्ने तत्कालीन एमालेमा रुपन्देही अध्यक्ष समेत बनिसकेका सभासद श्रेष्ठ बताउंछन् ।
पार्टीको सरकार भएका बेला पार्टीको संगठनलाई बलियो बनाउने र सरकारले अगाडी सारेका जनहितका कार्यक्रहरुमा कार्यकर्ता परिचालन गर्न सकियो भने मात्र यस पटक जनताले दिएको समर्थन अर्को अर्को पटक पनि नेपाली कम्युनिष्टहरुले पाउन सक्ने छन् । पार्टीको सरकार एकातिर र पार्टीको कार्यकर्ता अर्कोतिर हुने स्थितीबाट बचाउन सबै कम्युनिष्ट नेता र कार्यकर्ताहरु सचेत बन्न सक्नु पर्दछ ।

    Comment Here!


सम्बन्धित समाचार

View All